Kerala
കെ പി സി സി വര്‍ക്കിംഗ് പ്രസിഡന്റായി തുടരാന്‍ താത്പര്യമില്ല: കെ സുധാകരന്‍
കണ്ണൂര്‍ | കോണ്‍ഗ്രസിന്റെ സ്ഥാനാര്‍ഥി നിര്‍ണയത്തില്‍ പൊട്ടിത്തെറിച്ച് കെ പി സി സി വര്‍ക്കിംഗ് പ്രസിഡന്റ് കെ സുധാകരന്‍ എം പി. തനിക്ക് ഇനി കെ പി സി സി വര്‍ക്കിംഗ് പ്രസിഡന്റായി തുടരാന്‍ താത്പര്യമില്ലെന്ന് സുധാകരന്‍ ഏഷ്യാനെറ്റിന് അനുവദിച്ച അഭിമുഖത്തില്‍ പറഞ്ഞു. ആലങ്കാരിക പദവിയോട് താത്പര്യമില്ല. ഇപ്പോള്‍ സ്ഥാനം ഒഴിയാത്തത് പാര്‍ട്ടിക്ക് മുറിവേല്‍ക്കരുതെന്ന് എന്ന് കരുതിയാണെന്നും സുധാകരന്‍ പറഞ്ഞു.
കോണ്‍ഗ്രസിന്റെ സ്ഥാനാര്‍ഥി പട്ടിക വന്നതോടെ എല്ലാ പ്രത്യാശയും നഷ്ടപ്പെട്ടു. ജയസാധ്യത നോക്കാതെ പലര്‍ക്കും സീറ്റ് നല്‍കി. ഉമ്മന്‍ചാണ്ടിയും ചെന്നിത്തലയും കെ സി വേണുഗോപാലും ഇഷ്ടക്കാരെ തിരുകികയറ്റി. തിരഞ്ഞെടുപ്പുമായി ബന്ധപ്പെട്ടുണ്ടാകുന്ന എല്ലാ പ്രശ്‌നങ്ങള്ക്കും ഉത്തരവാദിത്തം സംസ്ഥാന നേതൃത്വത്തിനാണ്. അത്ര മോശമായിരുന്നു നേതൃത്വത്തിന്റെ പ്രവത്തികള്‍.
മട്ടന്നൂര്‍ സീറ്റ് ആര്‍ എസ് പിക്ക് നല്‍കിയത് ആലോചനയില്ലാതെ. ഘടകക്ഷികള്‍ക്ക് വഴങ്ങി പ്രവര്‍ത്തിക്കുന്നത് നല്ല നേതൃത്വമല്ല. ഘടകക്ഷികള്‍ കോണ്‍ഗ്രസിന്റെ തലയില്‍ കയറുന്നു. ഇരിക്കൂറില്‍ ധാരണകള്‍ ലംഘിക്കപ്പെട്ടു. അവിടെ പ്രവര്‍ത്തകര്‍ക്ക് നീതി ലഭിക്കുമെന്ന് പ്രതീക്ഷയില്ലെന്നും സുധാകരന്‍ കൂട്ടിച്ചേര്‍ത്തു
Latest
മകള്‍ രാത്രി പുറത്തുപോകുന്നതിനെ ചോദ്യം ചെയ്തു; മകളുടെ കൊലപാതകത്തില്‍ വെളിപ്പെടുത്തലുമായി അച്ഛന്‍
പ്രായപൂര്‍ത്തിയാവാത്ത അന്തേവാസി ഗര്‍ഭിണിയായി; സ്വകാര്യ അനാഥാലയത്തില്‍ നിന്ന് 24 കുട്ടികളെ മാറ്റിപ്പാര്‍പ്പിച്ചു
കേരളത്തില്‍ ഇന്നും ശക്തമായ മഴ; കോഴിക്കോട്, വായനാട്, കണ്ണൂര്‍, കാസര്‍ഗോഡ് ജില്ലകളില്‍ യെല്ലോ അലര്‍ട്ട്
വി എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു
ശസ്ത്രക്രിയ മുടക്കം; ഡോ. ഹാരിസ് ചിറക്കലിന്റെ തുറന്നുപറച്ചിലിലെ എല്ലാ കാര്യങ്ങളും ശരിയല്ലെന്നു വിദഗ്ധ സമിതി റിപ്പോര്‍ട്ട്
റഷ്യക്കെതിരായ അമേരിക്കന്‍ ഉപരോധം; ഇന്ത്യക്കും ചൈനക്കും 500 ശതമാനം അധിക നികുതി ചുമത്താന്‍ ട്രംപിന്റെ നീക്കം
