Connect with us

Gulf

സഊദിയിലേക്കു നേരിട്ട് ഫ്‌ളൈറ്റുകൾ അനുവദിക്കണം; കാന്തപുരം ഇടപെട്ടു

Published

|

Last Updated

കോഴിക്കോട് | ഇന്ത്യയിൽ നിന്ന് സഊദി അറേബ്യയിലേക്കുള്ള യാത്രക്കാർക്ക് നേരിട്ട് വിമാനമാർഗം പോകാൻ ഫ്‌ളൈറ്റുകൾ അനുവദിക്കാൻ ഇടപെടണം എന്നാവശ്യപ്പെട്ട് സഊദി അറേബ്യയിലെ ഇന്ത്യൻ അംബാസിഡർ ഔസാഫ് സയീദ്, ഇന്ത്യയിലെ സഊദി അംബാസിഡർ ഡോ. സൗദ് മുഹമ്മദ് എന്നിവർക്ക്  കാന്തപുരം എ പി അബൂബക്കർ മുസ്‌ലിയാർ കത്തയച്ചു. ഈ വിഷയത്തിൽ ആവശ്യമായ ഇടപെടലുകൾ നടത്താൻ വേണ്ടി മുഖ്യമന്ത്രി പിണറായി വിജയനുമായും കാന്തപുരം ചർച്ച നടത്തി.

സഊദി അറേബ്യയിൽ  തൊഴിലെടുക്കുന്ന ഇന്ത്യക്കാരായ പ്രവാസികളുടെ മടക്കയാത്ര വളരെ ദുഷ്‌കരമാണിപ്പോൾ. ഇതുമൂലം വലിയ പ്രയാസങ്ങളാണ് സഊദിയിൽ തൊഴിലിനു പോകുന്ന ഇന്ത്യക്കാർ അനുഭവിക്കുന്നത്.

യാത്രയിൽ നേരിടുന്ന ഈ പ്രതിസന്ധി കാരണം പലരും സഊദിയിലേക്കു മടങ്ങാതിരിക്കുകയാണ്. ജോലി നഷ്ടമാകുന്നതിന്റെയും വിസ കാലാവധി പൂർത്തിയാകുന്നതിന്റെയും ആശങ്കയിലാണ് പ്രവാസികൾ. അതിനാൽ, കൊവിഡ് നെഗറ്റിവ് സർട്ടിഫിക്കറ്റുള്ളവർക്ക് നേരിട്ട് സഊദിയിലേക്കു ഫ്‌ളൈറ്റ് അനുവദിക്കാൻ അടിയന്തര ഇടപെടലുകൾ നടത്തണമെന്ന് കാന്തപുരം ആവശ്യപ്പെട്ടു.

Latest