Covid19
കേന്ദ്രസംഘം ഇന്ന് ആരോഗ്യ മന്ത്രിയുമായി കൂടിക്കാഴ്ച നടത്തും
തിരുവനന്തപുരം | രാജ്യത്ത് ഏറ്റവും ഉയര്ന്ന് നില്ക്കുന്ന കേരളത്തിലെ കൊവിഡ് സാഹചര്യം പഠിക്കാനെത്തിയ കേന്ദ്രസംഘം ഇന്ന് ആരോഗ്യമന്ത്രി കെ കെ ശൈലജയുമായി കൂടിക്കാഴ്ച നടത്തും. രാവിലെ 11 മണിക്ക് നടക്കുന്ന കൂടിക്കാഴ്ചയില് ആരോഗ്യ സെക്രട്ടറിയും പങ്കെടുക്കും. ഒരു മണിയോടെ കൊവിഡ് ചുമതല വഹിക്കുന്ന ഉദ്യോഗസ്ഥരുമായും കൊവിഡ് ആശുപത്രി അധികൃതരുമായും അവലോകന യോഗം ചേരും.
സംസ്ഥാനത്തെ കൊവിഡ് രോഗികള് ഉയരാനുളള സാഹചര്യം, പരിശോധന, നിരീക്ഷണം, ചികിത്സ തുടങ്ങിയ കാര്യങ്ങള് ഈ യോഗത്തില് ചര്ച്ച ചെയ്യും.
കൊവിഡ് രോഗികളുടെ എണ്ണം ഉയരാന് കാരണം തെരഞ്ഞെടുപ്പും ക്രിസ്മസ് പുതുവല്സര ആഘോഷങ്ങളുമാണെന്നാണ് സംസ്ഥാനത്തിന്റെ നിലപാട്. കേരളത്തിന്റെ ചുമതലയുള്ള കേന്ദ്ര കൊവിഡ് നോഡല് ഓഫിസറും ജോയിന്റ് സെക്രട്ടറിയുമായ മിനാജ് ആലം , സെന്റര് ഫോര് ഡിസീസ് കണ്ട്രോള് ഡയറക്ടര് ഡോ.എസ്.കെ.സിങ് എന്നിവരാണ് സംഘത്തിലുള്ളത്.