Covid19
ഓക്‌സ്‌ഫോഡ് വാക്‌സിന്‍ കൊറോണവൈറസിന്റെ പുതിയ വകഭേദത്തിനും ഫലപ്രദം
ലണ്ടന്‍ | ഓക്‌സ്‌ഫോഡ് യൂനിവേഴ്‌സിറ്റിയും ആസ്ട്രസെനിക്കയും വികസിപ്പിച്ച കൊവിഡ്- 19 വാക്‌സിന്‍ കൊറോണവൈറസിന്റെ പുതിയ വകഭേദത്തിനെതിരെയും പ്രയോഗിക്കാന്‍ ഫലപ്രദമാണെന്ന് റിപ്പോര്‍ട്ട്. മുതിര്‍ന്ന സര്‍ക്കാര്‍ ഉദ്യോഗസ്ഥനെ ഉദ്ധരിച്ച് ദി സണ്‍ഡേ ടൈംസ് ആണ് ഇക്കാര്യം റിപ്പോര്‍ട്ട് ചെയ്തത്.
അടുത്ത വ്യാഴാഴ്ചക്ക് മുമ്പായി ബ്രിട്ടനില്‍ അംഗീകാരം നേടിയെടുക്കാനുള്ള ശ്രമത്തിലാണ് ആസ്ട്രസെനിക്ക. ഇതോടെ വസന്തകാലത്തിന് മുമ്പായി കൊവിഡ് ഭീഷണിയുയര്‍ത്തുന്ന ജനങ്ങള്‍ക്ക് കുത്തിവെപ്പ് നടത്താനാകുമെന്ന പ്രതീക്ഷയിലാണ് ബ്രിട്ടന്‍. നിലവില്‍ ഫൈസര്‍ വാക്‌സിന്‍ രാജ്യത്ത് കുത്തിവെക്കുന്നുണ്ട്.
ആശുപത്രിയില്‍ വെച്ചുള്ള ചികിത്സ ആവശ്യമുള്ള തീവ്രമായ രോഗം തടയാന്‍ നൂറ് ശതമാനവും ഫലപ്രദമാണ് തങ്ങളുടെ വാക്‌സിനെന്ന് ആസ്ട്രസെനിക്ക സി ഇ ഒ പാസ്‌കല്‍ സോരിയോട്ട് പറയുന്നു. പുതിയ വകഭേദത്തിനും ഫലപ്രദമാണ് ഓക്‌സ്‌ഫോഡ് വാക്‌സിന്‍ എന്ന വാര്‍ത്ത ഇന്ത്യക്കും പ്രതീക്ഷ നല്‍കുന്നതാണ്. ലോകത്തെ തന്നെ ഏറ്റവും വലിയ വാക്‌സിന്‍ നിര്‍മാതാക്കളായ ഇന്ത്യന്‍ കമ്പനി സിറം ഇന്‍സ്റ്റിറ്റ്യൂട്ട് ഓക്‌സ്‌ഫോഡ് വാക്‌സിന്‍ നിര്‍മിക്കുന്നുണ്ട്.
Latest
പുഴയിലെ മലിന ജലത്തില്‍ മുങ്ങിക്കുളിച്ച് സ്ഥാനാര്‍ഥി
സൈക്കിൾ കോട്ട തിരിച്ചുപിടിക്കുക ദൗത്യം
ഇ പി ജയരാജന്‍ ബി ജെ പിയിലേക്ക് പോകാന്‍ ചര്‍ച്ച നടത്തി: കെ സുധാകരന്‍
ലോക്‌സഭാ തിരഞ്ഞെടുപ്പ്: വിധിയെഴുതാന്‍ കേരളം ഇന്ന് ബൂത്തിലേക്ക്
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
