നാദാപുരത്തും താനൂരിലും സംഘര്‍ഷം; ഗ്രനേഡ് പ്രയോഗം, ലാത്തിച്ചാര്‍ജ്

കോഴിക്കോട്/മലപ്പുറം | വോട്ടെടുപ്പിനിടെ നാദാപുരം തെരുവംപറമ്പിലും ചിയ്യാരത്തും സംഘര്‍ഷം. ചിയ്യാരത്തുണ്ടായ സംഘര്‍ഷത്തില്‍ നാദാപുരം എസ് ഐ. ശ്രീജേഷിനും മൂന്ന് പോലീസുകാര്‍ക്കും പരുക്കേറ്റു. കണ്ടാലറിയാവുന്ന 50 യു ഡി എഫ് പ്രവര്‍ത്തകര്‍ക്കെതിരെ വധശ്രമത്തിനു കേസെടുത്തു. അക്രമത്തിലേര്‍പ്പെട്ടവരെ പിരിച്ചുവിടാന്‍ പോലീസ് ഗ്രനേഡ് പ്രയോഗിക്കുകയും ലാത്തിച്ചാര്‍ജ് നടത്തുകയും ചെയ്തു.

മലപ്പുറം താനൂരിലും പെരുമ്പടപ്പ് കോടത്തൂരിലും എല്‍ ഡി എഫ്, യു ഡി എഫ് പ്രവര്‍ത്തര്‍ തമ്മില്‍ ഏറ്റുമുട്ടി. മുന്‍ കൗണ്‍സിലര്‍ ലാമിഹ് റഹ്മാനും യു ഡി എഫ് സ്ഥാനാര്‍ഥി സുഹറ അഹമ്മദിനും സംഘര്‍ഷത്തില്‍ പരിക്കേറ്റു. ജനക്കൂട്ടത്തെ പിരിച്ചുവിടാന്‍ പോലീസ് ലാത്തിവീശി.