പോലീസ് നിയമഭേദഗതി കമ്യൂണിസ്റ്റ് സ്വേച്ഛാധിപതിയുടെ തോന്ന്യാസം; മുഖ്യമന്ത്രിക്കെതിരെ വി ടി ബല്‍റാം എംഎല്‍എ

Posted on: November 22, 2020 7:25 pm | Last updated: November 22, 2020 at 7:25 pm

കൊച്ചി |  പോലീസ് നിയമഭേദഗതിയില്‍ മുഖ്യമന്ത്രി പിണറായി വിജയനെതിരേ രൂക്ഷ വിമര്‍ശനവുമായി വി ടി ബല്‍റാം എംഎല്‍എ.

പോലീസ് ആക്റ്റിലെ 118 (എ) എന്ന ഭേദഗതി കരിനിയമം നിയമസഭയില്‍ അവതരിപ്പിക്കുക പോലും ചെയ്യാതെ ഓര്‍ഡിനന്‍സ് വഴി അടിച്ചേല്‍പ്പിച്ചതിലൂടെ പിണറായി വിജയന്‍ എന്ന കമ്യൂണിസ്റ്റ് സ്വേച്ഛാധിപതി ശുദ്ധ തോന്ന്യാസമാണ് കാണിച്ചിരിക്കുന്നത് എന്ന് ഞാനോ നിങ്ങളോ ഈ മാധ്യമത്തിലൂടെ അഭിപ്രായപ്പെട്ടാല്‍ അത് മഹാനായ അദ്ദേഹത്തിന്റെ ഇതിഹാസ തുല്യമായ റപ്യൂട്ടേഷന് ഹാനി വരുത്തിയ മഹാപരാധമാണ് എന്ന് പറഞ്ഞ് നമ്മളെയൊക്കെ പിണറായിപ്പോലീസ് പിടിച്ച് 5 വര്‍ഷം തടവിനും 10,000 രൂപ പിഴക്കും ശിക്ഷിക്കുമോ -ബല്‍റാം ഫേസ്ബുക്ക് പോസ്റ്റില്‍ പരിഹസിക്കുന്നു.

ഉത്തരകൊറിയന്‍ സ്വേച്ഛാധിപതി കിം ജോംഗ് ഉന്നിന്റെ ചിത്രവും കുറിപ്പിനൊപ്പം ബല്‍റാം പോസ്റ്റ് ചെയ്തിട്ടുണ്ട്. നിയമഭേദഗതിക്കെതിരെ വലിയ വിമര്‍ശങ്ങളാണ് വ്യാപകമായി ഉയരുന്നു.