Kerala
സിബിഐ അന്വേഷണത്തിന് നിയന്ത്രണം; സംസ്ഥാന സര്ക്കാറിന്റെ വിജ്ഞാപനം ഇറങ്ങി
തിരുവനന്തപുരം | സംസ്ഥാനത്ത് സിബിഐക്ക് കേസ് അന്വേഷണത്തിന് നിയന്ത്രണമേര്പ്പെടുത്തി സംസ്ഥാന സര്ക്കാര് വിജ്ഞാപനമിറക്കി. ഇതോടെ സംസ്ഥാന സര്ക്കാരിന്റെ അനുമതിയോടെയോ അല്ലെങ്കില് കോടതി ഉത്തരവ് പ്രകാരമോ മാത്രമേ സിബിഐക്ക് കേസുകള് ഏറ്റെടുത്തു അന്വേഷണം നടത്താനാകു. മന്ത്രിസഭ തീരുമാന പ്രകാരം ആഭ്യന്തര സെക്രട്ടറി സഞ്ജയ് കൗളാണ് വിജ്ഞാപനമിറക്കിയത്.
നേരത്തെ സിബിഐക്ക് അനുമതിയില്ലാതെ തന്നെ കേസെടുക്കാന് സര്ക്കാര് നല്കിയിരുന്ന അനുമതി പിന്വലിച്ചുകൊണ്ടാണ് പുതിയ വിജ്ഞാപനമിറക്കിയത്. ലൈഫ് മിഷന് ക്രമക്കേടുമായി ബന്ധപ്പെട്ട് സംസ്ഥാന സര്ക്കാരിനെ മറികടന്ന് സിബിഐ നേരിട്ട് കേസ് ഏറ്റെടുത്തതിന് പിന്നാലെയാണ് സംസ്ഥാന സര്ക്കാര് സിബിഐക്ക് നല്കിയിരുന്ന അനുമതി പിന്വലിക്കാന് തീരുമാനിച്ചത്.
---- facebook comment plugin here -----