National
ഇന്ത്യയില് മൂന്ന് പേര്ക്ക് രണ്ടാമതും കൊവിഡ് ബാധിച്ചിട്ടുണ്ടെന്ന് ഐസിഎംആര്
ന്യൂഡല്ഹി | ഇന്ത്യയില്മൂന്ന് പേര്ക്കെങ്കിലും കൊവിഡ് രണ്ടാമതും ബാധിച്ചിട്ടുണ്ടെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐസിഎംആര്). മുംബൈയില് രണ്ട് പേര്ക്കും അഹമ്മദാബാദില് ഒരാള്ക്കും കൊവിഡ് ഭേദമായ ശേഷവും രോഗം റിപ്പോര്ട്ട് ചെയ്തുവെന്ന് ഐസിഎംആര് മേധാവി ബല്റാം ഭാര്ഗവ വാര്ത്താ സമ്മേളനത്തില് പറഞ്ഞു.
കൊവിഡ് മുക്തരായവര്ക്ക് എത്ര ദിവസം കഴിഞ്ഞാല് വീണ്ടും രോഗം വരാനുള്ള സാധ്യതയുണ്ട് എന്നകാര്യത്തില് ഗവേഷകര്ക്ക് ഇതുവരെ വ്യക്തത വരുത്താനായിട്ടില്ലെന്ന് അദ്ദേഹം പറഞ്ഞു. കൊവിഡ് ബാധിച്ച ഒരു വ്യക്തിയില് ആന്റി ബോഡികള് വികസിക്കുകയും അത് അവരെ വൈറസിനെതിരെ പോരാടാന് സഹായിക്കുകയും ചെയ്യും. എന്നാല്, ഈ ആന്റി ബോഡികളുടെ ആയുസ് വളരെ കുറവാണെന്ന് വിലയിരുത്തപ്പെടുന്നുവെന്നും ഐസിഎംആര് മേധാവി പറഞ്ഞു.
ലോകാരോഗ്യ സംഘടനയുടെ കണക്കനുസരിച്ച്, ലോകമെമ്പാടുമുള്ള 24 ഓളം പേര്ക്ക് രണ്ടാമതും കൊവിഡ് സ്ഥിരീകരിച്ചിട്ടുണ്ട്.