അടിവസ്ത്രത്തിനുള്ളിലാക്കി സ്വര്‍ണം കടത്താന്‍ ശ്രമം; നാഗപട്ടണം സ്വദേശി പിടിയില്‍

കൊച്ചി | അടിവസ്ത്രത്തിനുള്ളില്‍ മിശ്രിത രൂപത്തിലാക്കി ഒളിപ്പിച്ചു കടത്താന്‍ ശ്രമിച്ച സ്വര്‍ണം കസ്റ്റംസ് പിടിച്ചെടുത്തു. നെടുമ്പാശ്ശേരി വിമാനത്താവളത്തിലാണ് സംഭവം. 15 ലക്ഷം രൂപ വിലമതിക്കുന്ന 280 ഗ്രാം സ്വര്‍ണമാണ് പിടികൂടിയത്. സ്വര്‍ണവുമായി ദുബൈയില്‍ നിന്നെത്തിയ നാഗപട്ടണം സ്വദേശി മുനിസ്വാമിയെ കസ്റ്റംസ് കസ്റ്റഡിയിലെടുത്തു.

നയതന്ത്ര ചാനല്‍ വഴിയുള്ള സ്വര്‍ണക്കടത്ത് പിടികൂടിയ ശേഷവും സംസ്ഥാനത്തെ വിവിധ വിമാനത്താവളങ്ങളില്‍ നിന്നായി വന്‍ സ്വര്‍ണവേട്ടകളാണ് നടന്നത്. കുഴമ്പു രൂപത്തിലാക്കിയും ശരീരഭാഗങ്ങളില്‍ ഒളിപ്പിച്ചും മറ്റുമാണ് സ്വര്‍ണം കടത്താന്‍ ശ്രമിക്കുന്നത്.