നമ്മുടെ സൈനികരെ കൊല്ലാൻ ചൈനക്കെങ്ങനെ ധൈര്യം വന്നു; മോദി മറുപടി പറയണമെന്ന് രാഹുൽഗാന്ധി

ന്യൂഡൽഹി| ഗാൽവൻ താഴ്വരയിൽ എന്താണ് സംഭവിച്ചതെന്ന് കേന്ദ്രം മൗനം വെടിഞ്ഞ് വ്യക്തമാക്കണമെന്ന് കോൺഗ്രസ് നേതാവ് രാഹുൽഗാന്ധി. പ്രധാനമന്ത്രി എന്തുകൊണ്ടാണ് ഇതേക്കുറിച്ച് പ്രതികരിക്കാത്തത്, എന്താണ് മറച്ചുവെക്കാൻ ശ്രമിക്കുന്നത്. ഇനിയും ഇത് തുടരാനാകില്ല- അദ്ദേഹം പറഞ്ഞു.

ലഡാക്കിലെ ഗാൽവൻ താഴ്വരയിൽ ചൈനീസ് സൈന്യവുമായുള്ള ഏറ്റുമുട്ടലിൽ 20 ഇന്ത്യൻ സൈനികർ കൊല്ലപ്പെട്ട സംഭവത്തിൽ പ്രതികരിക്കവേയാണ് രാഹുൽ ഇങ്ങനെ ചോദിച്ചത്. നമ്മുടെ പട്ടാളക്കാരെ കൊല്ലാൻ ചൈനക്ക് എങ്ങനെ ധൈര്യം വന്നു. നമ്മുടെ ഭൂമി പിടിച്ചെടുക്കാൻ അവർക്കെങ്ങനെ ധൈര്യം വന്നു. രാഹുൽ ട്വീറ്റിൽ കുറിച്ചു.