Covid19
സംസ്ഥാനത്ത് ആറ് ജില്ലകള് റെഡ് സോണില്; ഇടുക്കിയിലും കോട്ടയത്തും പുതിയ ഹോട്ട്സ്പോട്ടുകള്
തിരുവനന്തപുരം | സംസ്ഥാനത്തെ റെഡ് സോണുകളിലും ഹോട്ട് സ്പോട്ടുകളിലും മാറ്റം വരുമെന്ന് മുഖ്യമന്ത്രി പിണറായി വിജയന്. റെഡ് സോണില് നേരത്തെതന്നെ ഉള്പ്പെട്ടിരുന്ന നേരത്തെ തന്നെ റെഡ് സോണുകളായിരുന്ന കാസര്കോട്, കണ്ണൂര്, കോഴിക്കോട്, മലപ്പുറം എന്നീ ജില്ലകളില് തല്സ്ഥിതി തുടരും. കഴിഞ്ഞ രണ്ട് ദിവസങ്ങളില് കൂടുതല് കൊവിഡ് 19 കേസുകള് റിപ്പോര്ട്ടു ചെയ്ത സാഹചര്യത്തില് കോട്ടയം, ഇടുക്കി ജില്ലകളെക്കൂടി പുതുതായി റെഡ് സോണില് ഉള്പ്പെടുത്തുമെന്ന് മുഖ്യമന്ത്രി വാര്ത്താ സമ്മേളനത്തില് അറിയിച്ചു.
ഇടുക്കി ജില്ലയിലെ വണ്ടന്മേട്, ഇരട്ടയാര് പഞ്ചായത്തുകളെ ഹോട്ട് സ്പോട്ടുകളായി പ്രഖ്യാപിക്കും. കോട്ടയം ജില്ലയിലെ അയ്മനം, വെള്ളൂര്, അയര്കുന്നം. തലയോലപ്പറമ്പ് പഞ്ചായത്തുകളെയും ഹോട്ട് സ്പോട്ടുകളില് ഉള്പ്പെടുത്തും. നിലവില് തിരുവനന്തപുരം, ആലപ്പുഴ, തൃശ്ശൂര്, വയനാട് ജില്ലകളില് കൊവിഡ് രോഗികളില്ലെന്നും അവലോകന യോഗത്തിനുശേഷം നടത്തിയ വാര്ത്താ സമ്മേളനത്തില് മുഖ്യമന്ത്രി പറഞ്ഞു.