Kerala
ഫുട്‌ബോള്‍ മേളക്കിടെ ഗാലറി തകര്‍ന്നു; നിരവധി പേര്‍ക്ക് പരുക്ക്
പാലക്കാട് | ഫുട്‌ബോള്‍ മേളക്കിടെ ഗാലറി തകര്‍ന്ന് നിരവധി പേര്‍ക്ക് പരുക്ക്. കളിക്കളത്തില്‍ ജീവന്‍ പൊലിഞ്ഞ മുന്‍ സന്തോഷ് ട്രോഫി താരം ആര്‍ ധനരാജിന്റെ കുടുംബത്തെ സഹായിക്കാന്‍ ജില്ലാ ഫുട്‌ബോള്‍ അസോസിയേഷന്‍ നൂറണി സിന്തറ്റിക് ടര്‍ഫില്‍ സംഘടിപ്പിച്ച സൗഹൃദ ഫുട്‌ബോള്‍ മത്സരം തുടങ്ങാനിരിക്കെയാണ് അപകടം. ഇന്ന് രാത്രി 8.45 ഓടെ ഉദ്ഘാടന ചടങ്ങിനിടെയാണ് ഗാലറി തകര്‍ന്നത്.
മത്സരം തുടങ്ങാന്‍ നിമിഷങ്ങള്‍ ബാക്കി നില്‍ക്കെ ഗ്രൗണ്ടിന്റെ ഒരു വശത്ത് കവുങ്ങ് കൊണ്ട് താത്കാലികമായി നിര്‍മിച്ച ഗാലറി തകര്‍ന്നു വീഴുകയായിരുന്നു. ആയിരത്തിലധികം പേരാണ് ഗാലറിയില്‍ ഉണ്ടായിരുന്നത്. പരുക്കേറ്റവരെയെല്ലാം ആംബുലന്‍സില്‍ ജില്ലാ ആശുപത്രിയില്‍ പ്രവേശിപ്പിച്ചു. ആരുടെയും നില ഗുരുതരമല്ല. തകര്‍ന്ന ഗാലറിക്കകത്ത് ആരും കുടുങ്ങിയിട്ടില്ലെന്ന് രക്ഷാപ്രവര്‍ത്തകര്‍ പറഞ്ഞു. ഫയര്‍ ഫോഴ്‌സ്, പോലീസ്, സന്നദ്ധ സംഘടനാ പ്രവര്‍ത്തകര്‍ രക്ഷാപ്രവര്‍ത്തനത്തില്‍ പങ്കെടുത്തു.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
