National
പി ചിദംബരത്തെ രാഹുലും പ്രിയങ്കയും തിഹാര്‍ ജയിലില്‍ സന്ദര്‍ശിച്ചു
ന്യൂഡല്‍ഹി | ഐ എന്‍ എക്‌സ് മീഡിയ കേസില്‍ കഴിഞ്ഞ നൂറ് ദിവസമായി ജുഡീഷ്യല്‍ കഴിയുന്ന മുതിര്‍ന്ന കോണ്‍ഗ്രസ് നേതാവും മുന്‍ ധനമന്ത്രിയുമായ പി ചിദംബരത്തെ കോണ്‍ഗ്രസ് നേതാക്കളായ രാഹുല്‍ ഗാന്ധിയും പ്രിയങ്ക ഗാന്ധിയും സന്ദര്‍ശിച്ചു. ഇന്ന് രാവിലെ തിഹാര്‍ ജയിലിലെത്തിയാണ് ഇരുവരും ചിദംബരവുമായി കൂടിക്കാഴ്ച നടത്തിയത്. കേസില്‍ ജുഡീഷ്യല്‍ കസ്റ്റഡി അവസാനിക്കുന്ന ചിദംബരത്തെ ഇന്ന് കോടതിയില്‍ ഹാജരാക്കാനിരിക്കെയാണ് കോണ്‍ഗ്രസ് നേതാക്കള്‍ സന്ദര്‍ശിച്ചത്.
രാഹുലിന്റേയും പ്രിയങ്കയുടേയും സന്ദര്‍ശനത്തിന് പിന്നാലെ കേന്ദ്ര സര്‍ക്കാറിനെ വിമര്‍ശിച്ചും മഹാരാഷ്ട്രയില്‍ അധികാരത്തിലേറുന്ന സഖ്യത്തെ അഭിനന്ദിച്ചും ചിദംബരം രംഗത്തെത്തി. സ്വന്തം പാര്‍ട്ടി താത്പര്യങ്ങശള്‍ക്കുപരി പൊതുമിനിമം പരിപാടിയുടെ അടിസ്ഥാനത്തില്‍ പ്രവര്‍ത്തിക്കാന്‍ ശിവസേന, എന്‍ സി പി, കോണ്‍ഗ്രസ് സഖ്യത്തിന് കഴിയട്ടേ എന്ന് ചിദം്ബരം ആശംസിച്ചു. കര്‍ഷകരുടെ ക്ഷേമം, നിക്ഷേപം, തൊഴില്‍, സാമൂഹികനീതി, സ്ത്രീകളുടേയും കുട്ടികളുടേയും ക്ഷേമം എന്നിവ മുന്‍നിര്‍ത്തി പ്രവര്‍ത്തിക്കാന്‍ സഖ്യത്തിന് കഴിയണം. രാജ്യത്ത് പാര്‍ലിമെന്ററി ജനാധിപത്യം ലഘിച്ച് നടക്കുന്ന പ്രവര്‍ത്തനങ്ങള്‍ ജനം നിരീക്ഷിക്കുന്നുണ്ടെന്നും ചിദംബരം പറഞ്ഞു.
Latest
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
