National
മഹാരാഷ്ട്ര: ഒരു എന്‍സിപി എംഎല്‍എകൂടി ബിജെപി ക്യാമ്പ് വിട്ടു; രേഖകള്‍ ഹാജരാക്കല്‍ ബിജെപിക്ക് നിര്‍ണായകമാകും
ന്യൂഡല്‍ഹി: മഹാരാഷ്ട്രയില്‍ ത്രികക്ഷി സഖ്യത്തിന്റെ ഹരജി പരിഗണിക്കുന്നത് സുപ്രീം കോടതി തിങ്കളാഴ്ചയിലേക്ക് മാറ്റി വെച്ചതോടെ ഉടന്‍ വിശ്വാസ വോട്ടെടുപ്പെന്ന അഗ്‌നിപരീക്ഷണത്തില്‍നിന്നും ബിജെപി കഷ്ടിച്ച് രക്ഷപ്പെട്ടിരിക്കുകയാണ്. കോടതി നടപടി തന്ത്രങ്ങള്‍ മെനയാന്‍ ബിജെപിക്ക് അല്‍പം സമയംകൂടി ലഭിക്കും. എന്നാല്‍ നാളെ കത്തുകള്‍ ഹാജരാക്കണമെന്ന കോടതി നിര്‍ദേശം ബിജെപിക്ക് ഏറെ നിര്‍ണായകമാണ്. കത്തുകള്‍ ഹാജരാക്കുന്നതോടെ ഭൂരിപക്ഷം സംബന്ധിച്ച കാര്യങ്ങള്‍ വ്യക്തമാക്കും. അതേസമയം ബിജെപി ക്യാമ്പില്‍നിന്ന് ഒരു എന്‍സിപി എംഎല്‍എയും കൂടി ശരത് പവാര്‍ ക്യാമ്പിലേക്ക് തിരികെ എത്തി.
ശരത് പവാറിനെ അനുനയിപ്പിക്കാന്‍ ബിജെപി എംപി ശരത് പവാറിന്റെ വസതിയിലെത്തിയതും ഇന്ന് ഏറെ ശ്രദ്ധേയമായ നീക്കമായിരുന്നു. അനുനയ ശ്രമത്തിനായി ബിജെപിയാണ് തങ്ങളുടെ എംപിയെ പവാറിനടുക്കലേക്ക് അയച്ചത്. അതിനിടെ അജിത് പവാറിനെ തിരിച്ചെത്തിക്കാന്‍ തീവ്രശ്രമം എന്‍സിപി തുടരുകയാണ്.
ശിവസേനയും എന്‍സിപിയും കോണ്‍ഗ്രസും തങ്ങളുടെ എംഎല്‍എമാരെ മുംബൈയിലെ ഹോട്ടലുകളിലേക്ക് മാറ്റയിരിക്കുകയാണ്. എന്‍സിപിയുടെ എംഎല്‍എമാരെ കാണാന്‍ ശരദ് പവാര്‍ മുംബെയിലെ റിനൈസന്‍സ് ഹോട്ടലിലെത്തി. ഇന്നലെ രാത്രിയാണ് ഇവരെ ഇവിടെ എത്തിച്ചത്. ശിവസേനയുടെ 56 എംഎല്‍എമാരില്‍ 55 പേരും മുംബെയിലെ ലളിത് ഹോട്ടലിലാണ്. കോണ്‍ഗ്രസിന്റെ 44 എംഎല്‍എമാര്‍ മാരിയറ്റ് ഹോട്ടലിലുമാണ് താമസിക്കുന്നത്.
Latest
ഇലോണ്‍ മസ്‌കിന്റെ ഇന്ത്യ സന്ദര്‍ശനം മാറ്റിവെച്ചു
അധികാരത്തില്‍ തിരിച്ചെത്തിയാല്‍ പുതിയ രൂപത്തില്‍ ഇലക്ടറല്‍ ബോണ്ട് തിരികെ കൊണ്ടുവരും; നിര്‍മ്മല സീതാരാമന്‍
സിഡിഎം വഴി അമ്മയുടെ അക്കൗണ്ടില്‍ കള്ളനോട്ട് നിക്ഷേപിച്ച മകനും ബന്ധുവും പിടിയില്‍
കണ്ണൂരില്‍ വീട്ടിലെ വോട്ടില്‍ കള്ളവോട്ട് നടന്നെന്ന് പരാതി
സംസ്ഥാനത്ത് സ്വര്‍ണ വിലയില്‍ നേരിയ ഇടിവ്
ഭിന്നശേഷി വിദ്യാര്‍ഥികള്‍ക്ക് സ്‌കൂള്‍ ബസില്‍ സീറ്റ് സംവരണം നിര്‍ബന്ധമാക്കി; നടപടി നവകേരള സദസില്‍ ലഭിച്ച പരാതിക്ക് പിന്നാലെ
