Career Education
കരസേനയിൽ മതാധ്യാപകർ
കരസേനയിൽ ജൂനിയർ കമീഷൻഡ് ഓഫീസർ പദവിയിൽ മതാധ്യാപകരാകാൻ പുരുഷന്മാർക്ക് അവസരം. വിവിധ വിഭാഗങ്ങളിലായി ആകെ 152 ഒഴിവുണ്ട്. മൗലവി (സുന്നി)- ഒന്പത്, മൗലവി (ശിയാ)- ഒന്ന്, പണ്ഡിറ്റ്- 118, പണ്ഡിറ്റ് (ഗൂർഖ)- ഏഴ്, ഗ്രന്ഥി- ഒന്പത്, പാതിരി- നാല്, ബുദ്ധ സന്യാസി- നാല് എന്നിങ്ങനെയാണ് ഒഴിവുകൾ. ഏതെങ്കിലും വിഷയത്തിൽ ബിരുദമാണ് അടിസ്ഥാന യോഗ്യത.
മൗലവി (സുന്നി, ശിയാ): മൗലവി ആലിം (അറബി) അല്ലെങ്കിൽ അദിബ് ആലിം (ഉർദു) ആണ് യോഗ്യത.
25നും 34നും ഇടയിൽ പ്രായമുള്ളവർക്ക് അപേക്ഷിക്കാം. മതപരം, ശാരീരികം ഉൾപ്പെടെ വിശദമായ യോഗ്യതാ മാനദണ്ഡങ്ങൾ അടങ്ങിയ ഔദ്യോഗിക വിജ്ഞാപനം https://joinindianarmy.nic.inൽ നിന്ന് ഡൗൺലോഡ് ചെയ്യാം. അപേക്ഷ സ്വീകരിക്കുന്ന അവസാന തീയതി ഒക്ടോബർ 29. വിശദ വിവരങ്ങൾക്ക് വെബ്സൈറ്റ് സന്ദർശിക്കുക.