Kerala
കാര്‍ട്ടൂണ്‍ പുരസ്‌കാരത്തില്‍ മാറ്റമില്ല; സര്‍ക്കാര്‍ ആവശ്യം തള്ളി; നിലപാടിലുറച്ച് ലളിതകലാ അക്കാഡമി
തിരുവനന്തപുരം: വിവാദ കാര്‍ട്ടൂണിന് പുരസ്‌കാരം നല്‍കിയ നടപടിയില്‍ ഉറച്ച് ലളിതകലാ അക്കാഡമി. ക്രിസ്ത്യന്‍ വിശ്വാസത്തെ അവഹേളിക്കുന്ന തരത്തിലുള്ള കാര്‍ട്ടൂണിന് പുരസ്‌കാരം നല്‍കിയത് പുനപരിശോധിക്കണമെന്ന സര്‍ക്കാര്‍ ആവശ്യം അക്കാഡമി തള്ളി. തീരുമാനത്തില്‍ ഉറച്ചുനില്‍ക്കുന്നുവെന്നും ജൂറി തീരുമാനം അന്തിമമാണെന്നും നേമം പുഷ്പരാജ് വ്യക്തമാക്കി.
ക്രിസ്ത്യന്‍ മതചിഹ്നമായ അംശവടിയില്‍ അടിവസ്ത്രം തൂക്കിയുള്ള കാര്‍ട്ടൂണാണ് വിവാദമായത്. കന്യാസ്ത്രീയെ പീഡിപ്പിച്ച കേസില്‍ അറസ്റ്റിലായ ബിഷപ്പ് ഫ്രാങ്കോയെ കോഴിയായും കാര്‍ട്ടൂണില്‍ ചിത്രീകരിച്ചിുരുന്നു. ഈ കാര്‍ട്ടൂണ്‍ ലളിതകലാ അക്കാഡമി പുരസ്‌കാരത്തിനായി തിരഞ്ഞെടുത്തതോടെയാണ് വിവാദം തലപൊക്കിയത്. മതചിഹ്നങ്ങളെ അവഹേളിക്കുന്ന കാര്‍ട്ടൂണിന് പുരസ്‌കാരം നലകിയതിന് എതിരെ മന്ത്രി എ കെ ബാലന്‍ രംഗത്തുവന്നു. പുരസ്‌കാരം പുനപരിശോധിക്കണമെന്ന് അദ്ദേഹം അക്കാഡമിയോട് ആവശ്യപ്പെടുകയായിരുന്നു.
കാര്‍ട്ടൂണിന് എതിരെ കെസിബിസിയും രംഗത്ത് വന്നിരുന്നു. കാര്‍ട്ടൂണ്‍ അങ്ങേയറ്റം പ്രകോപനപരവും പ്രതിഷേധാര്‍ഹവുമാണന്നെ് കെസിബിസി ആരോപിച്ചു.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
