മഴവരുന്നു, കള്ളന്മാരെ സൂക്ഷിക്കാന്‍ പോലീസ് നിർദേശം

www.facebook.com/keralapolice
Posted on: June 8, 2019 9:22 am | Last updated: June 8, 2019 at 9:22 am

പാലക്കാട്: സംസ്ഥാനത്ത് കാലവര്‍ഷം രണ്ടുദിവസത്തിനകം ശക്തിപ്പെടുമെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് വന്നതോടെ പോലീസും ഒന്ന് അലര്‍ട്ടായി. സംസ്ഥാന പോലീസ് സേനയുടെ നേതൃത്വത്തില്‍ സമൂഹമാധ്യമങ്ങളിലൂടെ “മഴക്കാലത്ത് മോഷ്ടാക്കളെ സൂക്ഷിക്കണമെന്നുള്ള’ ക്യാമ്പയിന് തുടക്കമായി. മഴക്കാലത്ത് രാത്രിയില്‍ ഉണ്ടാകുന്ന ചലനങ്ങള്‍ അധികം ശ്രദ്ധിക്കപ്പെടില്ലെന്നത് മോഷ്ടാക്കള്‍ക്ക് അനുകൂല ഘടകമായതിനാല്‍ കവര്‍ച്ചക്കുള്ള സാധ്യത കൂടുതലാണ്. അതിനാല്‍ അത്യാവശ്യ മുന്‍കരുതലുകള്‍ സ്വീകരിക്കണമെന്നാണ് നിര്‍ദ്ദേശം.

പോലീസിന്റെ സഹായത്തിനായി 112 എന്ന ടോള്‍ ഫ്രീ നമ്പറിലും ഹൈവേകളില്‍ സഹായത്തിനായി 9846100100 എന്ന നമ്പറിലും ബന്ധപ്പെടാമെന്നുമാണ് പോലീസിന്റെ ഔദ്യോഗിക ഫേസ്ബുക്ക് പേജിലൂടെ ജനങ്ങള്‍ക്ക് നല്‍കുന്ന നിര്‍ദേശം.

കാമ്പയിന്റെ ഭാഗമായി കേരള പോലീസിന്റെ ഫേസ്ബുക്ക് പേജില്‍ വന്ന പോസ്റ്റ്‌:

മഴക്കാലത്ത് രാത്രിയില് ഉണ്ടാകുന്ന ചലനങ്ങള് അധികം ശ്രദ്ധിക്കപ്പെടില്ല എന്നത് മോഷ്ടാക്കൾക്ക് അനുകൂല ഘടകമാണ്. അതിനാൽ തന്നെ മഴക്കാലത്ത് കവർച്ചക്കുള്ള സാധ്യത കൂടുതലാണ്. മോഷണം ഒഴിവാക്കാൻ അത്യാവശ്യ മുൻകരുതലുകൾ സ്വീകരിക്കുന്നത് നല്ലതാണ്.

🕵️‍♂️ പലരും വീടിന്റെ മുൻവാതിലിന് മുന്തിയ പൂട്ടുകൾ സ്ഥാപിക്കുകയും പിൻവാതിലിന് അത്ര സുരക്ഷാ പ്രാധാന്യം കൽപ്പിക്കാതിരിക്കുകയും ചെയ്യുന്ന പതിവുണ്ട്. വാതിലിന്റെ എല്ലാ പൂട്ടുകളും ഭദ്രത ഉള്ളതാണെന്ന് ഉറപ്പ് വരുത്തുക. കഴിയുന്നതും മുൻ,പിൻ വാതിലുകൾക്ക് പിന്നിൽ വിലങ്ങനെയുള്ള ഇരുമ്പ് പട്ടകൾ ഘടിപ്പിക്കുന്നത് സുരക്ഷ കൂട്ടാൻ ഉപകരിക്കും.

🕵️‍♂️ ജനല്പാളികള് രാത്രി അടച്ചിടുക അപരിചിതര് കോളിങ് ബെല്ലടിച്ചാല് വാതില് തുറക്കാതെ ജനല്വഴി സംസാരിക്കുക.

🕵️‍♂️ അപരിചിതരായ സന്ദര്ശകര്, പിരിവുകാര്, യാചകര്, വീട്ടിൽ വരുന്ന കച്ചവടക്കാര്, പ്രാദേശിക വഴികളിലൂടെ ബൈക്കിലോ മറ്റു വാഹനങ്ങളിലോ സംശയാസ്പദമായ രീതിയില് സഞ്ചരിക്കുന്നവര് തുടങ്ങിയവരെ ശ്രദ്ധിക്കുക

🕵️‍♂️ വീടിനുപുറത്തും പിന്നിലും അടുക്കളഭാഗത്തും രാത്രി ലൈറ്റ് ഓഫാക്കാതിരിക്കുക.

🕵️‍♂️ വീടിന് പുറത്ത് അലക്ഷ്യമായി സൂക്ഷിച്ചിരിക്കുന്ന, കവര്ച്ചക്കാര്ക്ക് ഉപയോഗപ്രദമാവുന്ന ഉപകരണങ്ങള്ളായ പാര, കുന്താലി, മഴു, ഗോവണി തുടങ്ങിയവ കഴിയുന്നതും കവർച്ചക്കാരിൽ നിന്നും അകറ്റി സൂക്ഷിക്കുക.

🕵️‍♂️ അസമയത്ത് വീടിനു പുറത്ത് ആളനക്കമോ മറ്റ് ശബ്ദമോ ശ്രദ്ധയിൽപ്പെട്ടാൽ പോലീസിനെയോ അയൽക്കാരെയോ റസിഡൻസ് ഭാരവാഹികളെയോ അറിയിക്കുക. (112 ൽ വിളിച്ചാൽ പോലീസ് സഹായം ലഭ്യമാകും. ഹൈവെകളിൽ സഹായത്തിനായി 9846100100 എന്ന നമ്പറിലും ബന്ധപ്പെടാം.)

🕵️‍♂️ കഴിയുന്നതും ശക്തവും നീണ്ട വെളിച്ചവുമുള്ള പവർ ടോർച്ച് / സേർച്ച് ലൈറ്റുകൾ വീടുകളിൽ കരുതുക.

🕵️‍♂️ വീട് പൂട്ടി പുറത്തു പോകുന്നവർ മോഷ്ടാക്കൾക്ക് മനസ്സിലാകുന്ന രീതിയിൽ ഗേറ്റിന് വെളിയിൽ പൂട്ടിട്ട് പൂട്ടുന്നതിന് പകരം ചങ്ങലയിട്ടോ മറ്റോ ഉപയോഗിച്ച് ഗേറ്റിനകം പൂട്ട് വരത്തക്ക വിധം ലോക്ക് ചെയ്യുക.

🕵️‍♂️ വീട്ടിൽ ആളില്ലാത്ത ദിവസങ്ങളിൽ പത്രക്കാരനോട് പത്രം ഇടേണ്ട എന്നറിയിക്കുക. വീടിനു മുന്നിൽ ദിവസങ്ങളോളം എടുക്കാതെ കിടക്കുന്ന പത്രങ്ങളും മാഗസിനുകളും മോഷ്ടാക്കളുടെ ശ്രദ്ധ ക്ഷണിച്ചു വരുത്താൻ ഇടയുണ്ട്.

🕵️‍♂️ വീട് പൂട്ടി പോകുന്ന സമയം പുറത്ത് ലൈറ്റ് ഇട്ടിട്ട് പോകാതിരിക്കുക. പകലും രാത്രിയും തുടർച്ചയായി ലൈറ്റ് കത്തിക്കിടക്കുന്നത് മോഷ്ടാക്കൾക്ക് സൂചന നൽകും. അടുത്ത ബന്ധുക്കളെയോ വിശ്വാസമുള്ള അയൽക്കാരെയോ റസിഡൻസ് അംഗങ്ങളെയോ സന്ധ്യക്ക് ലൈറ്റ് ഇടാൻ ഏർപ്പാട് ചെയ്യുക.

🕵️‍♂️ സ്വർണ്ണാഭരണങ്ങൾ, മറ്റ് വിലപിടിപ്പുള്ള വസ്തുക്കൾ എന്നിവ വീട്ടിൽ സൂക്ഷിക്കാതിരിക്കുക.

🕵️‍♂️ കഴിയുന്നതും രാത്രി യാത്ര ഒഴിവാക്കുക. നേരത്തെ തന്നെ വീട്ടിൽ മടങ്ങിയെത്താൻ ശ്രമിക്കുക.

🕵️‍♂️ കവര്ച്ച നടന്നാല് ഉടന് മറ്റുള്ളവരെ അറിയിക്കുകയും സംഘടിതമായി വാഹനത്തില് ഒരേസമയം നാലുഭാഗവും അന്വേഷണം നടത്തുകയും ചെയ്യുക. റെസിഡൻസ് ഭാരവാഹികളുടെ / അംഗങ്ങളുടെ സഹായവും തേടാം.

🕵️‍♂️ പോലീസ് വരുന്നതിന് മുന്പ് കവര്ച്ച നടന്ന മുറി, വാതില്, അവര് ഉപയോഗിച്ച വസ്തുക്കള് എന്നിവയില് തൊടാതിരിക്കുക. അങ്ങനെ ചെയ്‌താൽ തെളിവ് നഷ്ടപ്പെടാന് കാരണമാവും.

🕵️‍♂️ നിരീക്ഷണ ക്യാമറ ഉള്ളവർ രാത്രി റെക്കോഡ് മോഡില്ഇടുക. ക്യാമറ ഓഫ് അല്ലെന്ന് ഉറപ്പുവരുത്തുക.

#keralapolice
#theft
#robbery