Gulf
മദ്യലഹരിയില് അതിക്രമം; സന്ദര്ശകന് പോലീസ് മാപ്പ് നല്കി
ദുബൈ: മദ്യ ലഹരിയില് പോലീസുകാരെ ആക്രമിച്ച വിദേശ പൗരനെ നിയമ നടപടികള്ക്കൊടുവില് പോലീസ് വിട്ടയച്ചത് പൂക്കള് നല്കി. ദുബൈയിലെ ഒരു ഹോട്ടലില് വിദേശിയായ സ്ത്രീയുമായി വാക്കുതര്ക്കം മൂര്ച്ഛിച്ച് അടിപിടിയിലെത്തിയപ്പോഴാണ് ഹോട്ടല് അധികൃതര് പോലീസിനെ അറിയിച്ചത്.
പോലീസെത്തുമ്പോള് മദ്യലഹരിയിലായിരുന്നു ഇയാള്. പിടികൂടാനെത്തിയ പോലീസുകാരെയും ആക്രമിച്ചു. ബലം പ്രയോഗിച്ച് അറസ്റ്റ് ചെയ്യുന്നതിനിടെ ഒരു പോലീസുകാരന്റെ കൈക്ക് നിസാര പരിക്കേല്ക്കുകയും ചെയ്തു. പോലീസ് പിന്നീട് ഇയാളെ ഡിറ്റന്ഷന് സെന്ററിലേക്ക് മാറ്റി. ഒപ്പം എംബസിയിലും കുടുംബാംഗങ്ങളെയും വിവരമറിയിച്ചു. എന്നാല് മദ്യലഹരി വിട്ടതോടെ ഇയാള് പോലീസിനോട് മാപ്പ് ചോദിക്കുകയായിരുന്നു.
മദ്യലഹരിയില് ബോധമില്ലാതെ ചെയ്തതാണെന്നും ആദ്യമായി ദുബൈ സന്ദര്ശിക്കുന്ന തനിക്ക് പോലീസിനോട് ബഹുമാനം മാത്രമേയുള്ളൂവെന്നും അധികൃതരെ ബോധിപ്പിച്ചു. ഇതോടെ ബന്ധപ്പെട്ട എല്ലാവരെയും വിളിച്ചുവരുത്തിയാണ് പോലീസ് പ്രശ്നം പരിഹരിച്ചത്. അസഭ്യം പറഞ്ഞ യുവതിയോടും പോലീസുകാരോടും ഇയാള് മാപ്പ് പറഞ്ഞതോടെ പോലീസ് മറ്റ് നടപടികളില്ലാതെ വിട്ടയക്കുകയായിരുന്നു. പൂക്കള് നല്കി പ്രതിയെ വിട്ടയക്കുന്ന ചിത്രം പോലീസ് തന്നെയാണ് സാമൂഹിക മാധ്യമങ്ങളിലൂടെ പങ്കുവെച്ചത്.
Latest
ഡയാലിസിസ് ചെയ്യ്ത രോഗികള് മരിച്ച സംഭവം; ആശുപത്രിക്കെതിരെ കേസെടുത്ത് പോലിസ്
മേയര് ആക്കാത്തതില് അതൃപ്തിയില്ല, മാധ്യമങ്ങള് കള്ളക്കഥകള് മെനയുന്നു; മലക്കം മറിഞ്ഞ് ആര് ശ്രീലേഖ
സ്കൂള് കെട്ടിടത്തിന്റെ രണ്ടാം നിലയില് നിന്ന് താഴെ വീണു; ആറ്റിങ്ങലില് പത്താം ക്ലാസ് വിദ്യാര്ത്ഥിനിക്ക് ഗുരുതര പരിക്ക്
മലമ്പുഴയില് വിദ്യാര്ഥിയെ അധ്യാപകന് മദ്യം നല്കി പീഡിപ്പിച്ച കേസ്; പീഡന വിവരം സ്കൂള് അധികൃതര് മറച്ചുവെച്ചതായി കണ്ടെത്തല്, നടപടിക്ക് സാധ്യത
ലോക്സഭാ തിരഞ്ഞെടുപ്പ് സമയത്ത് വെള്ളാപ്പള്ളി മൂന്ന് ലക്ഷം തന്നു; വഴിവിട്ട സഹായം ചെയ്യില്ലെന്ന് പറഞ്ഞാണ് പണം വാങ്ങിയത്: ബിനോയ് വിശ്വം
നേമത്ത് മത്സരിക്കാനില്ലെന്ന പ്രസ്താവന തിരുത്തി മന്ത്രി വി ശിവന്കുട്ടി
