National
അയോധ്യ: സുപ്രീം കോടതി ജഡ്ജിമാര്‍ക്കെതിരെ വിവാദ പരാമര്‍ശവുമായി ആര്‍ എസ് എസ് നേതാവ്
ചണ്ഡീഗഢ്: അയോധ്യയില്‍ ക്ഷേത്രം നിര്‍മിക്കുന്നതുമായി ബന്ധപ്പെട്ട നിയമ നിര്‍മാണം വൈകിപ്പിക്കുന്നുവെന്ന് ആരോപിച്ച് സുപ്രീം കോടതി ചീഫ് ജസ്റ്റിസ് ഉള്‍പ്പടെയുള്ളവര്‍ക്കെതിരെ ആര്‍ എസ് എസ് നേതാവ് ഇന്ദ്രേഷ് കുമാര്‍ നടത്തിയ പരാമര്‍ശം വിവാദമാകുന്നു. പഞ്ചാബ് സര്‍വകലാശാലയില്‍ ഒരു സെമിനാറില്‍ പ്രസംഗിക്കവെയാണ് ചീഫ് ജസ്റ്റിസിനും പരമോന്നത കോടതിയിലെ ചില ജഡ്ജിമാര്‍ക്കുമെതിരെ ആരോപണവുമായി ഇന്ദ്രേഷ് രംഗത്തെത്തിയത്.
അയോധ്യ കേസ് ജനുവരിയില്‍ വാദം കേള്‍ക്കണമെന്ന ആവശ്യം ചീഫ് ജസ്റ്റിസ് തലവനായ ബഞ്ച് നിരാകരിച്ചതിനെ സൂചിപ്പിച്ചായിരുന്നു പരാമര്‍ശം.
രാമക്ഷേത്രം പണിയുന്നതിന് സര്‍ക്കാര്‍ നിയമ നിര്‍മാണത്തിനൊരുങ്ങുകയാണ്. എന്നാല്‍, ഇതിനെതിരെ ആരെങ്കിലും സുപ്രീം കോടതിയെ സമീപിച്ചാല്‍ സ്റ്റേ നല്‍കാന്‍ സാധ്യതയേറെയാണ്. പേരു പറയാതെ തന്നെ ഇന്ത്യന്‍ ജനതക്ക് ആ ബഞ്ചിലുള്ള മൂന്നു ജഡ്ജിമാരെ അറിയാം. കേസ് വൈകിപ്പിക്കുന്നതും നിരസിക്കുന്നതും ആ ജഡ്ജിമാരാണ്. ജനാധിപത്യത്തെയും ഭരണഘടനയെയും മൗലികാവകാശങ്ങളെയും അവര്‍ ഹനിക്കുകയാണ്.
അതേസമയം, രണ്ടോ മൂന്നോ ജഡ്ജിമാരൊഴികെയുള്ളവര്‍ നീതിക്കു വേണ്ടി നിലകൊള്ളുന്നവരാണെന്നും നീതി നടപ്പാക്കാന്‍ തയ്യാറാകാത്തവര്‍ തത്സ്ഥാനത്ത്
തുടരണമോയെന്ന് ആലോചിക്കണമെന്നും ഇന്ദ്രേഷ് കൂട്ടിച്ചേര്‍ത്തു.
Latest
കേരളത്തില്‍ ഒരിടത്തും ബിജെപി രണ്ടാം സ്ഥാനത്ത് പോലും എത്തില്ലെന്ന് എംവി ഗോവിന്ദന്‍
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
