Gulf
പണമിടപാടിനെ ചൊല്ലി കൊല; 24 മണിക്കൂറിനുള്ളില്‍ പ്രതി അറസ്റ്റില്‍
ദുബൈ: സാമ്പത്തിക ഇടപാടിനെ ചൊല്ലിയുണ്ടായ തര്‍ക്കത്തെ തുടര്‍ന്ന് യുവതിയെ കൊലപ്പെടുത്തിയ യുവാവിനെ 24 മണിക്കൂറിനുള്ളില്‍ ദുബൈ പോലീസ് പിടികൂടി. അല്‍ ബറാഹയില്‍ താമസക്കാരിയായ യുവതിയുടെ ഫ്‌ളാറ്റില്‍ എത്തിയ 32 കാരനായ പ്രതി യുവതിയുമായി പണത്തെചൊല്ലി തര്‍ക്കത്തിലാകുകയും യുവതിയെ കൊന്ന ശേഷം പണമടങ്ങിയ പേഴ്‌സും മൊബൈല്‍ ഫോണും കവര്‍ന്ന് കടന്നു കളയുകയായിരുന്നുവെന്ന് പോലീസ് പറഞ്ഞു. മറ്റൊരു എമിറേറ്റില്‍ ഒളിച്ച പ്രതിയെ മണിക്കൂറുകള്‍ക്കുള്ളില്‍ പിടികൂടിയ പോലീസ് ഉദ്യോഗസ്ഥരെ ദുബൈ പോലീസ് ഉപ മേധാവിയും ക്രിമിനല്‍ ഇന്‍വെസ്റ്റിഗേഷന്‍ മേധാവിയുമായ മേജര്‍ ജനറല്‍ ഖലീല്‍ ഇബ്രാഹിം അല്‍ മന്‍സൂരി പ്രകീര്‍ത്തിച്ചു.
പോലീസ് ആസ്ഥാനത്തെ കമാന്‍ഡ് ആന്‍ഡ് കണ്‍ട്രോള്‍ റൂമില്‍ ആഫ്രിക്കന്‍ വനിതയുടെ മരണത്തെക്കുറിച്ചു വിവരം ലഭിച്ചയുടനെ പ്രത്യേക അന്വേഷണ സംഘത്തെ നിയോഗിക്കുകയായിരുന്നു. യുവതി രാജ്യത്തേക്ക് സന്ദര്‍ശക വിസയിലാണ് എത്തിയത്.
കൊല നടത്തിയ ശേഷം പ്രതി മറ്റൊരു എമിറേറ്റിലേക്ക് ഒളിവില്‍ പോകുകയായിരുന്നു. അത്യാധുനിക സാങ്കേതിക വിദ്യയുടെ സഹായത്തോടെ ക്രിമിനല്‍ ഡാറ്റ അനാലിസിസ് സെന്ററാണ് രാജ്യത്ത് താമസക്കാരനായ പ്രതിയെ തിരിച്ചറിഞ്ഞത്. പോലീസ് അറസ്റ്റ് ചെയ്തപ്പോള്‍ യുവതിയുമായുള്ള പണമിടപാടിലെ തര്‍ക്കമാണ് കൊലപാതകത്തിന് കാരണമെന്നും യുവതിയുടെ സാധനങ്ങള്‍ കൊള്ളയടിച്ചിരുന്നുവെന്നും പ്രതി പോലീസിനോട് കുറ്റം സമ്മതിച്ചു. കൂടുതല്‍ നിയമനടപടികള്‍ക്കായി പ്രതിയെ പബ്ലിക് പ്രോസികൂഷ്യന് കൈമാറി.
Latest
മകള്‍ രാത്രി പുറത്തുപോകുന്നതിനെ ചോദ്യം ചെയ്തു; മകളുടെ കൊലപാതകത്തില്‍ വെളിപ്പെടുത്തലുമായി അച്ഛന്‍
പ്രായപൂര്‍ത്തിയാവാത്ത അന്തേവാസി ഗര്‍ഭിണിയായി; സ്വകാര്യ അനാഥാലയത്തില്‍ നിന്ന് 24 കുട്ടികളെ മാറ്റിപ്പാര്‍പ്പിച്ചു
കേരളത്തില്‍ ഇന്നും ശക്തമായ മഴ; കോഴിക്കോട്, വായനാട്, കണ്ണൂര്‍, കാസര്‍ഗോഡ് ജില്ലകളില്‍ യെല്ലോ അലര്‍ട്ട്
വി എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു
ശസ്ത്രക്രിയ മുടക്കം; ഡോ. ഹാരിസ് ചിറക്കലിന്റെ തുറന്നുപറച്ചിലിലെ എല്ലാ കാര്യങ്ങളും ശരിയല്ലെന്നു വിദഗ്ധ സമിതി റിപ്പോര്‍ട്ട്
റഷ്യക്കെതിരായ അമേരിക്കന്‍ ഉപരോധം; ഇന്ത്യക്കും ചൈനക്കും 500 ശതമാനം അധിക നികുതി ചുമത്താന്‍ ട്രംപിന്റെ നീക്കം
