Gulf
ധനികരില്‍ ഏറ്റവും പ്രായം കുറഞ്ഞ ഇന്ത്യക്കാരന്‍ ഡോ. ഷംഷീര്‍
അബുദാബി: അമേരിക്ക കേന്ദ്രമായ ഫോബ്സ് മാസികയുടെ ലോക കോടീശ്വരന്‍മാരുടെ പട്ടികയിലെ ഏറ്റവും പ്രായം കുറഞ്ഞ മലയാളി ഡോ. ഷംഷീര്‍ വയലില്‍. ഹെല്‍ത് കെയര്‍ വിഭാഗത്തില്‍, ഏറ്റവും പ്രായം കുറഞ്ഞ ഇന്ത്യക്കാരനും ഡോ. ഷംഷീര്‍ വയലില്‍ ആണ്. ഫോബ്സിന്റെ 2018ലെ ലോക റാങ്കിങ് പ്രകാരം കോടീശ്വരന്‍മാരില്‍ 1561-ാം സ്ഥാനത്ത് ഉള്ള കോഴിക്കോട് സ്വദേശിയായ ഡോ. ഷംഷീര്‍ വയലില്‍ അബുദാബി കേന്ദ്രമായ വി പി എസ് ഹെല്‍ത് കെയര്‍ സ്ഥാപകനും ചെയര്‍മാനുമാണ്. നേരത്തെ, ഇന്ത്യയിലെ മികച്ച കോടീശ്വരന്‍മാരുടെ ഫോബ്സ് പട്ടികയില്‍ ആദ്യ നൂറ് സ്ഥാനങ്ങളിലും ഷംഷീര്‍ സ്ഥാനം നേടിയിരുന്നു. 150 കോടി യു എസ് ഡോളറിന്റെ ആസ്തിയുമായാണ് ഈ യുവ വ്യവസായി പട്ടികയില്‍ വലിയ നേട്ടം ഉണ്ടാക്കിയത്. വി പി എസ് ഹെല്‍ത് കെയറിന് കീഴില്‍, ഇന്ത്യയിലും ഗള്‍ഫ് രാജ്യങ്ങളിലുമായി ആശൂപത്രികളും ക്ലിനിക്കുകളും ഫാര്‍മസികളും മരുന്ന് നിര്‍മാണ കമ്പനികളുമായാണ് ഗ്രൂപ്പിന്റെ വലിയ രീതിയിലുള്ള മുന്നേറ്റം. റേഡിയോളജിസ്റ്റായ ഈ യുവ ഡോക്ടര്‍, 2007ല്‍ അബുദാബിയില്‍ ആദ്യ ആശൂപത്രിക്ക് തുടക്കം കുറിച്ചായിരുന്നു വളര്‍ച്ചയെന്നും ഫോബ്സ് പട്ടികയില്‍ ഷംഷീറിനെ കുറിച്ച് പ്രതിപാദിക്കുന്നു. ഡല്‍ഹിയില്‍ റോക്ക്‌ലാന്‍ഡ് ഹോസ്പിറ്റലുകളും കൊച്ചിയില്‍ ലേക്‌ഷോര്‍ ഹോസ്പിറ്റലും വി പി എസ് ഹെല്‍ത് കെയറിന് കീഴിലായി പ്രവര്‍ത്തിക്കുന്നു. ആരോഗ്യ-വിദ്യാഭ്യാസ മേഖലയിലെ ഗള്‍ഫിലെ പ്രമുഖ നിക്ഷേപ കമ്പനിയായ അമാനത് ഹോള്‍ഡിംഗ്‌സിന്റെ വെസ് ചെയര്‍മാനും മാനേജിങ് ഡയറക്ടര്‍ കൂടിയാണ് ഡോ. ഷംഷീര്‍ വയലില്‍.
Latest
റോഡ് നിര്‍മാണ അഴിമതിക്കേസ്; കോണ്‍ട്രാക്ടര്‍ക്കും എഞ്ചിനിയര്‍മാര്‍ക്കും കഠിന തടവും പിഴയും ശിക്ഷ
പ്ലസ് വണ്‍ പ്രവേശനം: മെയ് 16 മുതല്‍ അപേക്ഷിക്കാം, ട്രയല്‍ അലോട്ട്‌മെന്റ് 29ന്
ലിവ് -ഇന്‍ ബന്ധം ഇന്ത്യന്‍ സംസ്‌കാരത്തിന് കളങ്കമെന്ന് ഛത്തീസ്ഗഡ് ഹൈക്കോടതി
വീട്ടുജോലിക്കെത്തി 7ലക്ഷം രൂപയും 2 കോടി വിലമതിക്കുന്ന വജ്ര സ്വര്‍ണാഭരണങ്ങളും കവര്‍ന്നു ;പ്രതികൾ പിടിയില്‍
പെരിയ ഇരട്ടക്കൊലക്കേസ് പ്രതിയുടെ വിവാഹ ചടങ്ങില്‍ കോണ്‍ഗ്രസ്സ് നേതാവ്; വിവാദം
എസ് എസ് എൽ സി പരീക്ഷാ രീതി മാറുന്നു; അടുത്ത വർഷം മുതൽ പേപ്പർ മിനിമം ഏർപ്പെടുത്തും
