വെളുത്ത താടിയുള്ള അപ്പൂപ്പന്‍ നിങ്ങളുടെ പണം കൈകളിലാക്കും; മോദിയെ പരിഹസിച്ച് കോണ്‍ഗ്രസ് നേതാവ്

ക്രിസ്മസ് അപ്പൂപ്പന്‍ സാന്താക്ലോസുമായി നരേന്ദ്ര മോദിയെ താരതമ്യം ചെയ്ത് ട്വിറ്ററിലൂടെ മുതിര്‍ന്ന കോണ്‍ഗ്രസ് നേതാവ് മനീഷ് തിവാരിയുടെ പരിഹാസം.

“ലോകം മുഴുവന്‍ ഈ സമയത്ത് വെളുത്ത താടിയുള്ള പ്രായമായ ഒരാള്‍ നിങ്ങളുടെ വീടുകളിലേക്ക് പതുങ്ങിക്കയറുകയും നിങ്ങളുടെ സോക്‌സുകളില്‍ പണം നിക്ഷേപിക്കുകയും ചെയ്യും.

എന്നാല്‍ ഇന്ത്യയില്‍ പ്രായമായ, വെളുത്ത താടിയുള്ള ഒരാള്‍ ടെലിവിഷനിലൂടെ നിങ്ങളുടെ വീടുകളില്‍ നുഴഞ്ഞുകയറുകയും നിങ്ങളുടെ പോക്കറ്റുകളില്‍നിന്നും അലമാരയില്‍നിന്നും പണപ്പെട്ടിയില്‍നിന്നും പണം എടുത്തുമാറ്റുകയും സോക്‌സ് മാത്രമായി അവശേഷിപ്പിക്കുകയും ചെയ്യുന്നുവെന്നും മനീഷ് തിവാരി ട്വീറ്ററില്‍ കുറിച്ചു.