Kerala
കേരളത്തിലെ നാല് സര്‍വകലാശാലകളില്‍ വിസി തസ്തിക ഒഴിഞ്ഞുകിടക്കുന്നു: ഗവര്‍ണര്‍
കേരളത്തിലെ നാല് സര്‍വകലാശാലകളില്‍ വൈസ്ചാന്‍സലറുടെ തസ്തിക ഇപ്പോഴും ഒഴിഞ്ഞുകിടക്കുകയാണെന്ന് ഗവര്‍ണര്‍ പി. സദാശിവം. കണ്ണൂര്‍, കേരള കലാമണ്ഡലം, ശ്രീ ശങ്കരാചാര്യ, കേരള വെറ്ററിനറി ആന്‍ഡ് ആനിമല്‍ സയന്‍സസ് സര്‍വകലാശാലകളിലാണ് വൈസ്ചാന്‍സലര്‍ ഒഴിവുള്ളത്. വൈസ്ചാന്‍സലര്‍ നിയമന നടപടികള്‍ ഹൈക്കോടതി സ്‌റ്റേ ചെയ്തതാണ് ഇതിന് കാരണം.സ്‌റ്റേ നീക്കാന്‍ നടപടികള്‍ സ്വീകരിച്ചിട്ടുണ്ടെന്നും 2010ലെ യു.ജി.സി. ചട്ടങ്ങള്‍ക്ക് അനുസൃതമായി മാത്രമേ വി.സി, പി.വി.സി. നിയമനങ്ങള്‍ നടത്തുവെന്ന് സംസ്ഥാന സര്‍ക്കാര്‍ അറിയിച്ചിട്ടുണ്ടെന്നും അദ്ദേഹം പറഞ്ഞു. എം.ജി. സര്‍വകലാശാലാ ആസ്ഥാനത്ത് ചാന്‍സലേഴ്‌സ് കൗണ്‍സിലിനുശേഷം പത്രസമ്മേളനത്തില്‍ സംസാരിക്കുകയായിരുന്നു സദാശിവം.
ദേശീയ റാങ്കിങ്ങില്‍ കേരള, കാലിക്കറ്റ്, എം.ജി, കൊച്ചി ശാസ്ത്രസാങ്കേതിക സര്‍വകലാശാലകള്‍ക്ക് ഉയര്‍ന്ന നേട്ടങ്ങള്‍ കരസ്ഥമാക്കാനായത് വൈസ്ചാന്‍സലര്‍മാരെ ഉള്‍പ്പെടുത്തി 2014 നവംബറില്‍ ചാന്‍സലേഴ്‌സ് കൗണ്‍സില്‍ രൂപവല്‍ക്കരിച്ചതിന്റെ ഭാഗമായാണെന്ന് അദ്ദേഹം കൂട്ടിച്ചേര്‍ത്തു. സര്‍വകലാശാലകളില്‍ തൊഴില്‍ കൂടി പഠിപ്പിക്കുക, കാര്‍ഷിക സര്‍വകലാശാലകള്‍ കര്‍ഷകരുടെ പ്രശ്‌നങ്ങള്‍ പരിഹരിക്കുക, വിദ്യാര്‍ഥികള്‍ക്കിടയില്‍ രക്തദാനം പ്രോത്സാഹിപ്പിക്കുക എന്നിവ സംബന്ധിച്ച നടപടികള്‍ സ്വീകരിക്കണമെന്ന് ചാന്‍സലര്‍ കൂടിയായ പി.സദാശിവം ആവശ്യപ്പെട്ടു.സര്‍വകലാശാലാ സിന്‍ഡിക്കേറ്റിലും സെനറ്റിലും മറ്റും എത്തിയാല്‍ ഉദ്യോഗസ്ഥര്‍ രാഷ്ട്രീയംനോക്കി തീരുമാനങ്ങളെടുക്കരുതെന്നും പഠിച്ചിറങ്ങിയാല്‍ ജോലി കിട്ടുമെന്ന പ്രതീക്ഷ പകരാന്‍ സര്‍വകലാശാലകള്‍ക്ക് കഴിയണമെന്നും അദ്ദേഹം നിര്‍ദേശിച്ചു. സര്‍വ്വകലാശാലകളുടെ പ്രവര്‍ത്തനം മെച്ചപ്പെടുത്തുന്നതിന് ആവശ്യമായ പദ്ധതികള്‍ നടപ്പിലാക്കുമെന്ന് അദ്ദേഹം വിശദീകരിച്ചു
Latest
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
