International
മുശര്‍റഫിനെ വധിക്കാന്‍ ശ്രമിച്ച ഉദ്യോഗസ്ഥനെ പാക്കിസ്ഥാന്‍ തൂക്കിലേറ്റി
ഇസ്‌ലാമാബാദ്: മുന്‍ പാക് പ്രസിഡന്റ് പര്‍വേസ് മുശര്‍റഫിനെ വധിക്കാന്‍ ശ്രമിച്ചെന്ന കുറ്റത്തിന് മുന്‍ വ്യോമസേനാ ഉദ്യോഗസ്ഥനെ പാക്കിസ്ഥാന്‍ തൂക്കിലേറ്റി. വ്യോമസേനയില്‍ ചീഫ് ടെക്‌നീഷ്യനായിരുന്ന ഖാലിദ് മഹ്മൂദിനെയാണ് റാവല്‍പിണ്ടി സെന്‍ട്രല്‍ ജയിലില്‍ വെള്ളിയാഴ്ച രാത്രി തൂക്കിലേറ്റിയതെന്ന് സുരക്ഷാ ഉദ്യോഗസ്ഥര്‍ പറഞ്ഞു.
2003 ഡിസംബര്‍ 14നാണ് മുശറര്‍ഫിനുനേരെ വധശ്രമമുണ്ടായത്. കേസില്‍ അറസ്റ്റിലായ ഖാലിദ് മഹ്മൂദിന് പുറമെ നാല് പേരെ 2005 ഒക്ടോബര്‍ മൂന്നിന് വധശിക്ഷക്ക് വിധിക്കുകയായിരുന്നു.
ഖാലിദിന്റെ മൃതദേഹം ബന്ധുക്കള്‍ക്ക് കൈമാറി. വധശിക്ഷക്കുള്ള മൊറട്ടോറിയം പ്രധാനമന്ത്രി എടുത്തുകളഞ്ഞതിന് ശേഷം എട്ടാമത്തെ വധശിക്ഷയാണ് പാക്കിസ്ഥാനില്‍ നടപ്പാക്കുന്നത്.
നേരത്തെ അര്‍ഷദ് മഹ്മൂദ്, സുബൈര്‍, റഷീദ് ഖുറൈശി, ഗുലാം, റഷ്യന്‍ പൗരന്‍മാരായ അഖ്‌ലാഖ് അഹ്മദ്, നിയാസ് എന്നിവരെയാണ് മുശര്‍റഫ് വധശ്രമക്കേസില്‍ തൂക്കിക്കൊന്നിരുന്നത്. വധശിക്ഷ നടപ്പാക്കിയ ജയിലിന് പുറത്ത് വന്‍ സുരക്ഷാ സന്നാഹങ്ങള്‍ ഒരുക്കിയിരുന്നു.
Latest
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
