Kozhikode
കുറഞ്ഞകാലം കൊണ്ട് ഖുര്‍ആന്‍ മന:പാഠമാക്കിയ കുരുന്നുകള്‍ ശ്രദ്ധേയരാവുന്നു
കോഴിക്കോട്: കുറഞ്ഞകാലം കൊണ്ട് വിശുദ്ധഖുര്‍ആന്‍ പരിപൂര്‍ണമായി മന:പാഠമാക്കിയ കുരുന്നുകള്‍ ശ്രദ്ധേയരാവുന്നു. മര്‍കസ് ഹിഫഌല്‍ ഖുര്‍ആന്‍ കോളേജിലെ നിസാമുദ്ദീന്‍, മുഹമ്മദ് ഫള്‌ലുള്ള എന്നീ വിദ്യാര്‍ത്ഥികളാണ് ഈ നേട്ടം കൈവരിച്ചിരിക്കുന്നത്. പത്ത് മാസത്തിനുള്ളിലാണ് ഇരുവരും ഖുര്‍ആന്‍ ഹൃദ്യമാക്കിയത്. കണ്ണൂര്‍ ജില്ലയിലെ മുഴക്കുന്ന് പഞ്ചായത്തില്‍ പൊയിലന്‍വീട്ടില്‍ അശ്‌റഫ്-റംല ദമ്പതികളുടെ മകനാണ് നിസാമുദ്ദീന്‍. ഒന്‍പതാം ക്ലാസ് വിദ്യാര്‍ത്ഥിയായ നിസാമുദ്ദീനെ ഹാഫിസ് അബ്ദുന്നാസര്‍ സഖാഫി പന്നൂരാണ് ഖുര്‍ആന്‍ പഠിപ്പിച്ചത്. എട്ടാം ക്ലാസ് വിദ്യാര്‍ത്ഥിയായ മുഹമ്മദ് ഫള്‌ലുള്ള കോഴിക്കോട് ജില്ലയിലെ വാവൂര്‍ ഉറണിയമാക്കല്‍ വീട്ടില്‍ സുലൈമാന്‍ മുസ്്‌ലിയാര്‍-റംല ദമ്പതികളുടെ മകനാണ്. ഖാരിഅ് മുഹമ്മദ് ഹനീഫ് സഖാഫിയാണ് ഉസ്താദ്.
സ്‌കൂള്‍ പഠനത്തോടൊപ്പം ഖുര്‍ആന്‍ മന:പാഠമാക്കിയ ഈ വിദ്യാര്‍ത്ഥികള്‍ സ്‌കൂള്‍ പരീക്ഷകളിലും മികച്ച പ്രകടനമാണ് കാഴ്ച വെച്ചിട്ടുള്ളതെന്ന് അധ്യാപകര്‍ സാക്ഷ്യപ്പെടുത്തുന്നു. ഡിസംബര്‍ 18-21 തിയ്യതികളില്‍ നടക്കുന്ന മര്‍കസ് സമ്മേളനത്തില്‍ ഈ പ്രതിഭകളെ അനുമോദിക്കുമെന്ന് മര്‍കസ് ജനറല്‍ മാനേജര്‍ സി.മുഹമ്മദ് ഫൈസി അറിയിച്ചു.
Latest
വിവാദത്തിനു പിന്നില് കോണ്ഗ്രസ്-ബി ജെ പി തിരക്കഥയെന്ന് ഇ പി ജയരാജന്
ടൂറിസ്റ്റ് ബസ് നിയന്ത്രണം വിട്ട് മറിഞ്ഞു; അപകടത്തില് ഒരാള് മരിച്ചു
സി പി എമ്മിനെ പ്രതിരോധത്തിലാക്കി ഇ പി
സ്ഥാനം ചവറ്റുകൊട്ടയിലാകും
കേരളത്തിലും വോട്ട് വില കൊടുത്തു വാങ്ങുന്നുവോ?
കാണാതായ കമിതാക്കളെ ആളൊഴിഞ്ഞ വീട്ടില്‍ മരിച്ച നിലയില് കണ്ടു
