National
ചൈനീസ് സേന അതിര്ത്തി ലംഘിച്ചു
ന്യൂഡല്ഹി: ഒരേ സമയം ഇന്ത്യന് ജലാതിര്ത്തിയും കരാതിര്ത്തിയും ചൈനീസ് സേന ലംഘിച്ചു. പാംഗോംഗ് തടാകത്തിലും കരപ്രദേശത്തുമാണ് ചൈനീസ് സേന അതിര്ത്തി ലംഘിച്ചത്. ലഡാക്കിലെ പര്വത താഴ്വാരത്തിലെ പാംഗോംഗ് തടാകത്തില് ഒക്ടോബര് 22നാണ് അതിര്ത്തി കടന്നെത്തിയതെന്ന് സുരക്ഷാ ഏജന്സികള് വ്യക്തമാക്കി. ചൈനീസ് പീപ്പിള്സ് ലിബറേഷന് ഫോഴ്സ് കര പ്രദേശത്തെ അഞ്ച് കിലോമീറ്റര് ഉള്ളിലേക്ക് പ്രവേശിച്ചു. റോഡ് മാര്ഗം വടക്ക് ഭാഗത്തുള്ള ഇന്ത്യന് നിയന്ത്രണ പ്രദേശത്തേക്കാണ് സൈനികര് നീങ്ങിയത്. ഇത് ശ്രദ്ധയില് പെട്ട ഐ ടി ബി പി സേന ഉടന് ഇടപെടുകയും ചൈനീസ് സേനയെ യഥാര്ഥ നിയന്ത്രണ രേഖയില് തടഞ്ഞുവെക്കുകയും ചെയ്തു.
പര്വതത്തിലൂടെ റോഡ് മാര്ഗം നിയന്ത്രണ രേഖയില് പ്രവേശിക്കാനുള്ള ചൈനീസ് സൈന്യത്തിന്റെ ശ്രമം ഇന്ത്യന് സേന തടഞ്ഞതിനെ തുടര്ന്ന് ഇരുവരും സര്വ സജ്ജരായി മുഖാമുഖം നിന്നു. തുടര്ന്ന് ചൈനീസ് സേന പിന്വാങ്ങുകയായിരുന്നു. അതിര്ത്തിയിലെ നിര്ണായക മേഖലയായ ഫിംഗര് ഫോറിലും ഇവര് പ്രവേശിച്ചെങ്കിലും സേന തടഞ്ഞു.
Latest
തിരുവനന്തപുരത്ത് ജീവനൊടുക്കാന് ശ്രമിച്ച യുഡിഎഫ് സ്ഥാനാര്ത്ഥി ചികിത്സയിലിരിക്കെ മരിച്ചു
എല്ഡിഎഫിനൊപ്പം ഉറച്ചുനില്ക്കുന്നു; മുന്നണി മാറ്റം തള്ളി ജോസ് കെ മാണി
ബംഗാളില് എസ്ഐആര് കരട് വോട്ടര് പട്ടിക പ്രസിദ്ധീകരിച്ചു
പരാതിക്കാരിയെ അപമാനിച്ച കേസ്; സന്ദീപ് വാര്യരുടെ മുന്കൂര് ജാമ്യാപേക്ഷ പരിഗണിക്കുന്നത് മാറ്റി
നാഷണല് ഹെറാള്ഡ് കേസ്: രാഹുലിനും സോണിയയ്ക്കും ആശ്വാസം; അറസ്റ്റ് ഉള്പ്പെടെ നടപടി പാടില്ലെന്ന് കോടതി
താനൂർ മൂച്ചിക്കലിൽ മധ്യവയസ്കൻ ട്രെയിൻ തട്ടി മരിച്ച നിലയിൽ
