Kozhikode
പാറ ഖനനം: സമീപവാസികള്‍ പരാതി നല്‍കി
കുറ്റിയാടി: സമീപവാസികളെ ഭീതിയിലാക്കിയും നിയമങ്ങള്‍ കാറ്റില്‍ പറത്തിയും മരുതോങ്കര പഞ്ചായത്തിലെ നെല്ലിക്കുന്ന് ഭാഗം നീറ്റുകോട്ടപാറമലയില്‍ ക്വാറി പ്രവര്‍ത്തനം നിര്‍ത്തിവെക്കാന്‍ നടപടി സ്വീകരിക്കണമെന്നാവശ്യപ്പെട്ട് പരാതി നല്‍കി.
നീറ്റുകോട്ട പാറ സംരക്ഷണ സമിതി വില്ലേജ് ഓഫീസര്‍ക്കും ഗ്രാമപഞ്ചായത്ത് സെക്രട്ടറിക്കുമാണ് പരാതി നല്‍കിയത്. 2004ല്‍ മണ്ണിടിച്ചിലില്‍ 10 പേര്‍ കൊല്ലപ്പെട്ടിരുന്നു.
കഴിഞ്ഞ ദിവസം തൊട്ടില്‍പാലം പോലീസ് നടത്തിയ പരിശോധനയില്‍ ഉഗ്രശേഷിയുള്ളതും കേന്ദ്ര സര്‍ക്കാര്‍ നിരോധിച്ചതുമായ സ്‌ഫോടക വസ്തുക്കള്‍ ഉപയോഗിച്ചതായി കണ്ടെത്തിയിരുന്നു. ഇത്തരം സ്‌ഫോടനങ്ങള്‍ പരിസ്ഥിതി ആഘാതമേല്‍പ്പിക്കുന്നതിന് പുറമെ നീരൊഴുക്ക് വറ്റാനും ഇടവരുത്തും. പ്രസ്തുത ക്വാറി അടച്ചുപൂട്ടിക്കാന്‍ നടപടി സ്വീകരിക്കാത്ത പക്ഷം ഗ്രാമപഞ്ചായത്ത് ഓഫീസിലേക്ക് താമസം മാറ്റുന്നതടക്കമുള്ള പ്രക്ഷോഭ പരിപാടികള്‍ സ്വീകരിക്കുമെന്നും പാറ സംരക്ഷണം സമിതി മുന്നറിയിപ്പ് നല്‍കി.
Latest
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
