Kozhikode
കരിങ്കല്‍ ക്വാറിയില്‍ കണ്ടെത്തിയ അസ്ഥികൂടം ബംഗാളി തൊഴിലാളിയുടേതെന്ന് സംശയം
താമരശ്ശേരി: കോടഞ്ചേരി ഈരൂട് പത്തേക്രയിലെ കരിങ്കല്‍ ക്വാറിയില്‍ കണ്ടെത്തിയ അസ്ഥികൂടം ബംഗാളി തൊഴിലാളിയുടേതെന്ന് സംശയം. ഒരു മാസത്തോളം പഴക്കമുള്ള അസ്ഥികൂടമാണ് കഴിഞ്ഞ ദിവസം കണ്ടെത്തിയത്. തൊട്ടടുത്തുള്ള കൈതച്ചക്ക തോട്ടത്തിലെ ജോലിക്കാരന്‍ വിവരം അറിയിച്ചതിനെ തുടര്‍ന്ന് നാട്ടുകാര്‍ പോലീസില്‍ അറിയിക്കുകയായിരുന്നു.
പാന്റ്‌സില്‍ ബെല്‍റ്റിന് പകരം പ്ലാസ്റ്റിക് കയര്‍ ബന്ധിച്ചിരുന്നതായി പരിശോധനയില്‍ കണ്ടെത്തി. മെഡിക്കല്‍ കോളജില്‍ നിന്നുള്ള സംഘം അസ്ഥികൂടം വിദഗ്ധ പരിശോധനക്കായി മോര്‍ച്ചറിയിലേക്ക് മാറ്റി. 50നും 60നും ഇടയില്‍ പ്രായമുള്ളയാളുടെതാണ് അസ്ഥികൂടമെന്ന് സംശയിക്കുന്നതായി കോടഞ്ചേരി എസ് ഐ. ഡി രാജന്‍ പറഞ്ഞു.
50 മീറ്ററോളം ആഴത്തിലുള്ള കരിങ്കല്‍ ക്വാറിക്ക് സമീപം മാനസിക രോഗിയായ അന്യസംസ്ഥാന തൊഴിലാളി നടക്കാറുണ്ടായിരുന്നതായി പോലീസിന് വിവരം ലഭിച്ചു. സമീപത്തുള്ള കൈതച്ചക്ക തോട്ടങ്ങളില്‍ നിരവധി അന്യസംസ്ഥാനക്കാര്‍ ജോലി ചെയ്യുന്നുണ്ട്. ഇവര്‍ ഇടക്കിടെ ദൂരസ്ഥലങ്ങളിലേക്ക് പോകുന്നതിനാല്‍ ആരെയെങ്കിലും കാണാതായതായും മനസ്സിലാക്കാന്‍ കഴിഞ്ഞിട്ടില്ല.
പരിശോധനാ ഫലം ഇന്ന് ലഭിക്കുമെന്നാണ് പോലീസ് നല്‍കുന്ന സൂചന.
Latest
ജക്കാര്‍ത്തയില്‍ നിന്നും മദീനയിലേക്ക് പോയ വിമാനത്തിന് തിരുവനന്തപുരത്ത് അടിയന്തര ലാന്‍ഡിംഗ്
കൊല്ലം കടക്കലില്‍ സിപിഐയില്‍ കൂട്ടരാജി;മുല്ലക്കര രത്‌നാകരന്റെ സഹോദരിയടക്കം 700ഓളം പേര്‍ പാര്‍ട്ടി വിട്ടു
മിച്ചല്‍ മാര്‍ഷ് മിന്നി; ഇന്ത്യക്കെതിരെ ഓസ്‌ട്രേലിയക്ക് ജയം
കോട്ടയത്ത് വീട് കുത്തിത്തുറന്ന് 12 പവനും 28,000 രൂപയും കവര്‍ന്നു
ഭാരതപ്പുഴയില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ ഒഴുക്കില്‍പ്പെട്ടു; ഒരാളെ രക്ഷപ്പെടുത്തി, രണ്ടാമനായി തിരച്ചില്‍
അയര്‍ക്കുന്നത് യുവതിയെ കൊലപ്പെടുത്തിയത് കല്ലില്‍ തലയിടിച്ച്; മൃതദേഹം കണ്ടെത്തി
