Kerala
ടോറസുമായി കൂട്ടിയിടിച്ച് പച്ചക്കറി ലോറി മറിഞ്ഞു; ഡ്രൈവര്‍ക്ക് ഗുരുതര പരുക്ക്
അടൂരിനും പന്തളത്തിനുമിടയില്‍ അരമനപ്പടിക്ക് സമീപത്താണ് അപകടമുണ്ടായത്.
അടൂര്‍ | എം സി റോഡില്‍ ടോറസുമായി കൂട്ടിയിടിച്ച പച്ചക്കറി ലോറി മറിഞ്ഞ് അപകടം. ഇന്ന് പുലര്‍ച്ചെ നാലോടെയുണ്ടായ അപകടത്തില്‍ ലോറിയുടെ ഡ്രൈവര്‍ക്ക് ഗുരുതര പരുക്കേറ്റു. അടൂരിനും പന്തളത്തിനുമിടയില്‍ അരമനപ്പടിക്ക് സമീപത്താണ് അപകടമുണ്ടായത്.
പച്ചക്കറി കയറ്റി തമിഴ്നാട്ടില്‍ നിന്നും വന്ന ലോറി ടോറസ് ലോറിയുമായി കൂട്ടിയിടിച്ച് റോഡിന് കുറുകെ മറിയുകയായിരുന്നു. പരുക്കേറ്റ ലോറി ഡ്രൈവറെ ആശുപത്രിയില്‍ പ്രവേശിപ്പിച്ചു. ക്ലീനര്‍ക്ക് നിസ്സാര പരുക്കുപറ്റി. ടോറസ് ലോറി ഡ്രൈവര്‍ പരുക്കില്ലാതെ രക്ഷപ്പെട്ടു.
മറിഞ്ഞ ലോറിയില്‍ നിന്നുള്ള പച്ചക്കറി റോഡില്‍ പരന്നു. ഫയര്‍ ഫോഴ്‌സ് എത്തിയാണ് ഇത് നീക്കം ചെയ്തത്. ലോറിയുടെ ടാങ്ക് പൊട്ടി ഡീസല്‍ റോഡില്‍ ഒഴുകിയതും നീക്കം ചെയ്തു. ലോറി ക്രെയിന്‍ ഉപയോഗിച്ച് ഉയര്‍ത്തി മാറ്റി.
അടൂര്‍ ഫയര്‍ സ്റ്റേഷന്‍ സീനിയര്‍ റെസ്‌ക്യു ഓഫീസര്‍ അജിഖാന്‍ യൂസുഫിന്റെ നേതൃത്വത്തില്‍ ശ്രീജിത്ത്, സജാദ്, രാഹുല്‍, ദിപിന്‍, ശ്രീകുമാര്‍ എന്നിവരുടെ സംഘമാണ് രക്ഷാപ്രവര്‍ത്തനം നടത്തിയത്.
Latest
ഓട്ടോ ഡ്രൈവര്‍ വെടിയേറ്റ് മരിച്ച സംഭവം; ഭാര്യ മിനി നമ്പ്യാര്‍ അറസ്റ്റില്‍
ആന്ധ്രപ്രദേശില്‍ ക്ഷേത്രമതില്‍ തകര്‍ന്ന് ഏഴ് മരണം; നിരവധി പേര്‍ക്ക് ഗുരുതര പരുക്ക്
കൊല്‍ക്കത്തയില്‍ ഹോട്ടലില്‍ തീപ്പിടുത്തം; 14 മരണം
ശാരദാ മുരളീധരന്‍ ഇന്ന് ചീഫ് സെക്രട്ടറി സ്ഥാനത്തുനിന്നും പടിയിറങ്ങും
മംഗളുരുവില്‍ ആള്‍ക്കൂട്ട ആക്രമണത്തില്‍ മലയാളി കൊല്ലപ്പെട്ട സംഭവം; 20 പേര്‍ അറസ്റ്റില്‍
അതിര്‍ത്തിയില്‍ പ്രകോപനം തുടര്‍ന്ന് പാകിസ്താന്‍; തിരിച്ചടിച്ച് ഇന്ത്യ
