uapa case
യു എ പി എ കേസ്: അലന്‍ ശുഹൈബിന്റെ ജാമ്യം റദ്ദാക്കണമെന്ന എന്‍ ഐ എയുടെ ആവശ്യം തള്ളി
കേസില്‍ ഇന്ന് വിചാരണ തുടങ്ങാനിരിക്കെയാണ് എന്‍ ഐ എ കോടതിയെ സമീപിച്ചത്.
കോഴിക്കോട് | പന്തീരാങ്കാവ് യു എ പി എ കേസില്‍ അലന്‍ ശുഹൈബിന്റെ ജാമ്യം റദ്ദാക്കണമെന്ന എന്‍ ഐ എയുടെ ആവശ്യം കൊച്ചി എന്‍ ഐ എ കോടതി തള്ളി.
അലന്‍ ഷുഹൈബ് ജാമ്യവ്യവസ്ഥ ലംഘിച്ചതിനാല്‍ ജാമ്യം റദ്ദാക്കണമെന്നാവശ്യപ്പെട്ടായിരുന്നു എന്‍ ഐ എ കോടതിയില്‍ അപേക്ഷ സമര്‍പ്പിച്ചത്.
സമൂഹ മാധ്യമങ്ങളില്‍ അലന്‍ ഷുഹൈബ് പോസ്റ്റുചെയ്യുന്നതിനെല്ലാം തീവ്രവാദ ബന്ധമുണ്ടെന്നുമായിരുന്നു എന്‍ ഐ എ കോടതിയെ ബോധിപ്പിക്കാന്‍ ശ്രമിച്ചത്. എന്നാല്‍ അലന്‍ എഴുതുന്ന പോസ്റ്റുകളല്ല ഇതൊന്നുമെന്നും ആ രീതിയില്‍ ജാമ്യം റദ്ദാക്കാന്‍ കഴിയില്ലെന്നുമായിരുന്നു കോടതി നിരീക്ഷണം.
കേസില്‍ ഇന്ന് വിചാരണ തുടങ്ങാനിരിക്കെയാണ് എന്‍ ഐ എ ജാമ്യം റദ്ദാക്കണമെന്നാവശ്യപ്പെട്ട് കോടതിയെ സമീപിച്ചത്.
2019 നവംബറിലായിരുന്നു അലനെയും ത്വാഹയെയും മാവോയിസ്റ്റ് ബന്ധം ആരോപിച്ച് പന്തീരാങ്കാവില്‍ നിന്ന് പോലീസ് അറസ്റ്റ് ചെയ്തത്. ഇരുവര്‍ക്കുമെതിരെ യു എ പി എയും ചുമത്തി. പിന്നീട് കേസ് എന്‍ ഐ എ ഏറ്റെടുത്തു. എന്നാല്‍ പ്രാഥമിക തെളിവ് പോലും ഇല്ലെന്ന് ചൂണ്ടിക്കാട്ടി കഴിഞ്ഞ വര്‍ഷം സെപ്റ്റംബറില്‍ എന്‍ ഐ എ കോടതി ഇരുവര്‍ക്കും ജാമ്യം നല്‍കി. ഇതില്‍ ത്വാഹ ഫസലിന്റെ ജാമ്യം ഹൈക്കോടതി റദ്ദാക്കിയെങ്കിലും അലനെ ജാമ്യത്തില്‍ തുടരാന്‍ അനുവദിച്ചു. പിന്നീട് ത്വാഹക്കും മേല്‍കോടതി ജാമ്യം അനുവദിച്ചിരുന്നു.
Latest
കണ്ണൂര്‍ മുഴപ്പിലങ്ങാട് സ്വദേശി ദമാമില്‍ നിര്യാതനായി
വനിതാ അഭിഭാഷകയ്ക്ക് മര്‍ദനം; നടപടിയുമായി ബാര്‍ അസോസിയേഷന്‍
ഇനി ആക്രമണത്തിന് തുനിഞ്ഞാല്‍ പാകിസ്ഥാന്റെ മഹാവിനാശം; ഇന്ത്യന്‍ സൈന്യത്തെ അഭിവാദ്യം ചെയ്ത് പ്രധാന മന്ത്രി
യു എസ് പ്രസിഡന്റ് ഡൊണാള്‍ഡ് ട്രംപ് സഊദിയില്‍; കിരീടാവകാശിയുടെ നേതൃത്വത്തില്‍ ഉജ്ജ്വല സ്വീകരണം
4 പി എം ന്യൂസ് യൂട്യൂബ് ചാനല്‍ റദ്ദാക്കിയുള്ള ഉത്തരവ് പിന്‍വലിച്ച് കേന്ദ്രം
കൊല്ലത്ത് ഏഴുവയസ്സുകാരി പേവിഷബാധയേറ്റ് മരിച്ച സംഭവത്തില്‍ അന്വേഷണം ആവശ്യപ്പെട്ട് മന്ത്രി ഗണേഷ് കുമാര്‍
