യുവാവ് വാടക വീടിനുസമീപം ഷോക്കേറ്റു മരിച്ച നിലയില്‍

കോഴഞ്ചേരി |  യുവാവിനെ വാടകവീടിനു സമീപം ഷോക്കേറ്റു മരിച്ച നിലയില്‍ കണ്ടെത്തി.അയിരൂര്‍ തടിയില്‍ കരിഞ്ചോല തുണ്ടിയില്‍ വിഷ്ണു പ്രകാശാണ് (24) മരിച്ചത്. റാന്നി അങ്ങാടി സ്വദേശിയാണ്. പ്ലാങ്കമണ്ണിനു സമീപമുള്ള വാടകവീട്ടിലാണ് താമസിച്ചുവന്നത്. സ്വകാര്യ ബസ് കണ്ടക്ടറാണ്. വൈദ്യുത പോസ്റ്റില്‍ നിന്നും വീട്ടിലേക്കുള്ള സര്‍വീസ് കേബിളില്‍ തട്ടിയ നിലയിലായിരുന്നു മൃതദേഹം

പുലര്‍ച്ചെ ആളുകള്‍ മൃതദേഹം കാണുമ്പോഴും സര്‍വീസ് കേബിളില്‍ നിന്നും വൈദ്യുതി പ്രവഹിക്കുന്നുണ്ടായിരുന്നു. പോലീസ് എത്തി പ്രാഥമിക പരിശോധനകള്‍ക്കും
പോസ്റ്റുമോര്‍ട്ടത്തിനും ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. സംസ്‌കാരം പിന്നീട്. മാതാവ് സുജ അവിവാഹിതനാണ്.