രാത്രി ബൈക്ക് കെനാലില്‍ വീണ് യുവതി മരിച്ചു

കൊച്ചി | കൊച്ചി ഉദയം പേരൂരില്‍ രാത്രി ബൈക്ക് കനാലില്‍ വീണ് യുവതി മരിച്ചു. ഒപ്പമുണ്ടായിരുന്ന യുവാവിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.

ഇന്നലെ രാത്രി 10 മണിക്ക് ശേഷമാണ് ബൈക്ക് കെനാലില്‍ വീണതെന്നാണ് കരുതുന്നത്. അപകടം ആരും അറിയാത്തതിനാല്‍ ബൈക്ക് സഹിതം ഇരുവരും കെനാലില്‍ കുടുങ്ങി. പ്രഭാത സവാരിക്കിറങ്ങിയവരാണ് ഇന്ന് രാവിലെ അപകടം കണ്ട് വിവരം പോലീസിനെ അറിയിച്ചത്.

അപ്പോഴേക്കും പരിക്കേറ്റ സ്ത്രീ മരിച്ചിരുന്നു. ഗുരുതരമായി പരിക്കേറ്റ് മരിച്ച സ്ത്രീയുടെ പേര് മായ എന്നാണ്. പരിക്കേറ്റ യുവാവിന്റെ പേര് വിനില്‍ എന്നാ ണെന്നും പോലീസ് അറിയിച്ച. ഉദയംപേരൂരിനടുത്ത് കുരീക്കോട് കനാല്‍ റോഡില്‍ ആയിരുന്നു അപകടം.