കുടുങ്ങിക്കിടക്കുന്ന മലയാളി വിദ്യാര്‍ത്ഥികളെ നാട്ടിലെത്തിക്കും

ഇംഫാല്‍ |മണിപ്പൂരില്‍ കുടുങ്ങിക്കിടക്കുന്ന മലയാളി വിദ്യാര്‍ത്ഥികളെ നാട്ടിലെത്തിക്കാനൊരുങ്ങി സംസ്ഥാന സര്‍ക്കാര്‍. വിദ്യാര്‍ത്ഥികളെ വിമാനമാര്‍ഗം തിങ്കളാഴ്ച ബെംഗളുരുവിലെത്തിക്കുമെന്ന് സംസ്ഥാന സര്‍ക്കാരിന്റെ പ്രത്യേക പ്രതിനിധി കെ.വി.തോമസ് വ്യക്തമാക്കി.

ഒന്‍പത് വിദ്യാര്‍ത്ഥികളാണ് മണിപ്പൂരില്‍ കുടുങ്ങിക്കിടക്കുന്നത്.ഇവരെ തിങ്കളാഴ്ച ഉച്ചയ്ക്ക് 2.15ന് ഇംഫാലില്‍ നിന്ന് വിമാനമാര്‍ഗം കൊല്‍ക്കത്തയിലെത്തിക്കും. അവിടെ നിന്ന് രാത്രി 9.30 ഓടെ ബെംഗളുരുവിലെത്തിക്കാനുമാണ് ഉദ്ദേശിക്കുന്നത്.

മണിപ്പൂരില്‍ കുടുങ്ങിക്കിടക്കുന്ന ഒന്‍പത് വിദ്യാര്‍ത്ഥികളില്‍ മൂന്നുപേര്‍ മലപ്പുറം ജില്ലയില്‍ നിന്നുള്ളവരാണ്. കണ്ണര്‍, കോഴിക്കോട് എന്നിവിടങ്ങളില്‍ നിന്ന് രണ്ടുപേര്‍ വീതവും പാലക്കാട്, വയനാട് എന്നിവടങ്ങളില്‍ നിന്നുള്ള ഓരോരുത്തരുമാണുളളത് സംഘത്തിലുള്ളത്.