National
മോദിയുടെ വിവാദ പ്രസംഗത്തില് പ്രതികരിക്കാനൊ നടപടിക്കൊ മുതിരാതെ തിരഞ്ഞെടുപ്പ് കമ്മിഷന്
മോദിക്കെതിരെ പരാതി കിട്ടിയോ എന്ന ചോദ്യത്തിനും കമ്മീഷന് മറുപടി നല്കിയില്ല
ന്യൂഡല്ഹി | രാജസ്ഥാനില് തിരഞ്ഞെടുപ്പ് പ്രചാരണത്തിനിടെ പ്രധാനമന്ത്രി നരേന്ദ്രമോദി നടത്തിയ മുസ്ലിം വിരുദ്ധ പരാമര്ശം കേട്ടെന്ന ഭാവം നടിക്കാതെ തിരഞ്ഞെടുപ്പ് കമ്മിഷന്. പ്രസംഗത്തിനെതിരെ വലിയ പ്രതിഷേധം ഉയരമ്പോഴും പ്രതികരിക്കാനില്ലെന്നാണ് തിരഞ്ഞെടുപ്പ് കമ്മീഷന്റെ നിലപാട്. വര്ഗീയ പരാമര്ശത്തില് മോദിക്കെതിരെ പരാതി കിട്ടിയോ എന്ന ചോദ്യത്തിനും കമ്മീഷന് മറുപടി നല്കിയില്ല. തിരഞ്ഞെടുപ്പ് കമ്മീഷന് നിഷ്പക്ഷമായ നിലപാട് സ്വീകരിക്കുന്നില്ലെന്ന വിമര്ശനത്തിനിടെയാണ് മോദിയുടെ പരാമര്ശത്തിലും പ്രതികരിക്കാനില്ലെന്ന കമ്മീഷന്റെ ഒഴിഞ്ഞുമാറ്റം.
കോണ്ഗ്രസ് എല്ലാ സമ്പത്തും മുസ്ലിംങ്ങള്ക്ക് നല്കുന്നുവെന്ന മോദിയുടെ വാക്കുകള് പെരുമാറ്റച്ചട്ട ലംഘനമാണെന്നും പ്രധാനമന്ത്രിക്കെതിരെ ശക്തമായ നിലപാട് കമ്മീഷന് സ്വീകരിക്കണമെന്നും പ്രതിപക്ഷ പാര്ട്ടികള് ആവശ്യപ്പെടുന്നു.കോണ്ഗ്രസ് അധികാരത്തിലെത്തിയാല് രാജ്യത്തിന്റെ സമ്പത്ത് മുഴുവന് മുസ്ലീംങ്ങള്ക്ക് നല്കുമെന്ന പ്രധാനമന്ത്രിയുടെ രാജസ്ഥാനിലെ പ്രസംഗമാണ് വലിയ വിവാദത്തിലായത്. കൂടുതല് കുട്ടികളുണ്ടാകുന്ന വിഭാഗമെന്നും, നുഴഞ്ഞുകയറ്റക്കാരെന്നും അധിക്ഷേപിച്ചാണ് മുസ്ലീങ്ങള്ക്കെതിരെ പ്രധാനമന്ത്രി വിഭാഗീയ പരാമര്ശം നടത്തിയത്. കോണ്ഗ്രസ് അധികാരത്തിലെത്തിയാലുണ്ടാകാവുന്ന ആപത്ത് ഓര്മ്മപ്പെടുത്തുവെന്നവകാശപ്പെട്ടായിരുന്നു മോദിയുടെ പ്രസംഗം. കോണ്ഗ്രസ് അധികാരത്തിലെത്തിയാല് ആദ്യ പരിഗണന നല്കുക മുസ്ലീംങ്ങള്ക്കായിരിക്കും, കഷ്ടപ്പെട്ട് മറ്റുള്ളവരുണ്ടാക്കിയ പണം അവരിലേക്ക് ഒഴുക്കും. അമ്മമാരുടെയും,സഹോദരിമാരുടേയും സ്വര്ണ്ണത്തിന്റെ കണക്കെടുപ്പ് നടത്തി അത് മുസ്ലീംങ്ങള്ക്ക് നല്കുമെന്ന് കോണ്ഗ്രസ് പ്രകടനപത്രികയിലുണ്ടെന്നും മോദി പറഞ്ഞു