സെന്‍സെക്സ് 1015 പോയന്റ് നഷ്ടത്തില്‍; നിഫ്റ്റി 17,300ല്‍

മുംബൈ| ഓഹരി വിപണിയില്‍ രണ്ടാമത്തെ ആഴ്ചയും നഷ്ടം. ആഗോള വിപണിയിലെ നഷ്ടമാണ് രാജ്യത്തെ സൂചികകളിലും പ്രതിഫലിച്ചത്. ഉച്ചയോടെ സെന്‍സെക്സ് 1000 പോയന്റിലേറെ താഴ്ന്നു. നിഫ്റ്റി 17,300ലെത്തി. ഫെഡറല്‍ ഓപ്പണ്‍ മാര്‍ക്കറ്റ് കമ്മിറ്റിയുടെ യോഗതീരുമാനം പുറത്തുവരാനിരിക്കെയാണ് വിപണിയില്‍ കനത്ത നഷ്ടംനേരിട്ടത്.

സെന്‍സെക്സ് 1015 പോയന്റ് നഷ്ടത്തില്‍ 58,021ലും നിഫ്റ്റി 311 പോയന്റ് താഴ്ന്ന് 17,305ലുമാണ് വ്യാപാരം നടക്കുന്നത്. ടെക് മഹീന്ദ്ര, ബജാജ് ഫിനാന്‍സ്, ടൈറ്റന്‍ കമ്പനി, ടാറ്റ സ്റ്റീല്‍, വിപ്രോ, ഹിന്‍ഡാല്‍കോ തുടങ്ങിയ ഓഹരികളാണ് പ്രധാനമായും നഷ്ടത്തില്‍. ഓട്ടോ, മെറ്റല്‍, ഐടി, ഫാര്‍മ, റിയാല്‍റ്റി, എഫ്എംസിജി, ക്യാപിറ്റല്‍ ഗുഡ്സ് തുടങ്ങിയ സൂചികകള്‍ 1-3 ശതമാനം നഷ്ടംനേരിട്ടു.

ബിഎസ്ഇ മിഡ്ക്യാപ് സ്മോള്‍ ക്യാപ് സൂചികകള്‍ 203ശതമാനവും. രൂപയുടെ മൂല്യത്തില്‍ ഇടിവുണ്ടായി. ഡോളറിനെതിരെ 9 പൈസ താഴ്ന്ന് 74.52 രൂപ നിലവാരത്തിലെത്തി. ഓഹരി വിപണിയിലെ നഷ്ടവും അസംസ്‌കൃത എണ്ണവിലയിലെ വര്‍ധനവുമാണ് രൂപയെ ബാധിച്ചത്.