ആശ്വാസം; രാജ്യത്ത് കൊവിഡ് കേസുകള്‍ രണ്ടായിരത്തില്‍ താഴെയായി

ന്യൂഡല്‍ഹി | രാജ്യത്ത് പ്രതിദിന കൊവിഡ് കേസുകളുടെ എണ്ണം രണ്ടായിരത്തില്‍ താഴെയായി. കഴിഞ്ഞ 24 മണിക്കൂറിനിടെ 1,761 പേര്‍ക്കാണ് രോഗബാധ സ്ഥിരീകരിച്ചത്. ഇതോടെ, മൊത്തം കേസുകളുടെ എണ്ണം 4,30,07,841 ആയി ഉയര്‍ന്നപ്പോള്‍ സജീവ കേസുകള്‍ 26,240 ആയി കുറഞ്ഞുവെന്ന് കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ വ്യക്തമാക്കുന്നു.

127 മരണങ്ങള്‍ കൂടി റിപ്പോര്‍ട്ട് ചെയ്തതോടെ കൊവിഡ് മരണസംഖ്യ 5,16,479 ആയി ഉയര്‍ന്നു. മൊത്തം രോഗബാധിതരുടെ 0.06 ശതമാനം മാത്രമാണ് നിലവില്‍ സജീവമായ കേസുകള്‍.

ശനിയാഴ്ച 3,196 പേര്‍ ആശുപത്രി വിട്ടു. ഇതോടെ വീണ്ടെടുക്കല്‍ നിരക്ക് 98.74 ശതമാനമായതായി ആരോഗ്യ മന്ത്രാലയം അറിയിച്ചു. ശനിയാഴ്ച 4,31,973 ടെസ്റ്റുകളാണ് നടത്തിയത്.