പൂഞ്ചില്‍ പാക് വെടിവെപ്പ്; 15 പേര്‍ കൊല്ലപ്പെട്ടതായി റിപോര്‍ട്ട്

ശ്രീനഗര്‍ | പാക് സൈന്യം കശ്മീരിലെ പൂഞ്ചില്‍ നടത്തിയ വെടിവെപ്പില്‍ 15 പേര്‍ കൊല്ലപ്പെട്ടതായി റിപോര്‍ട്ട്. മരണപ്പെട്ടവരെല്ലാം പൂഞ്ച് സ്വദേശികളാണ്. 43 പേര്‍ക്ക് പരുക്കേറ്റിട്ടുണ്ട്. ഇവരെ ഇവിടുത്തെ ആശുപത്രികളില്‍ പ്രവേശിപ്പിച്ചു.

ഇന്ത്യയുടെ ഓപറേഷന്‍ സിന്ദൂറിന് പിന്നാലെയാണ് പാകിസ്ഥാന്റെ ആക്രമണം നടന്നത്. പൂഞ്ചിലേയും താങ്ദാറിലെയും ജനവാസ മേഖലകള്‍ ലക്ഷ്യം വച്ചായിരുന്നു ഷെല്ലാക്രമണം.

ഇന്ന് പുലര്‍ച്ചെ 1.05 മുതല്‍ 1.30 വരെ ഇന്ത്യ നടത്തിയ ആക്രമണത്തില്‍ പാകിസ്ഥാനിലെ ഒമ്പത് ഭീകരകേന്ദ്രങ്ങള്‍ തകര്‍ത്തിരുന്നു. ഭീകര ഗ്രൂപ്പായ ജയ്ഷ്വ മുഹമ്മദിന്റെ സ്ഥാപകന്‍ മസൂദ് അസറിന്റെ കുടുംബാംഗങ്ങള്‍ ഉള്‍പ്പെടെയാണ് കൊല്ലപ്പെട്ടത്.