Kerala
നാദാപുരം ഷിബിന് വധക്കേസ്; എട്ട് പ്രതികള് കുറ്റക്കാര്, ശിക്ഷാ വിധി 15ന്
മുസ്ലിം ലീഗ് പ്രവര്ത്തകരടക്കമുള്ള 17 പ്രതികളെ വെറുതെ വിട്ടുകൊണ്ടുള്ള എരഞ്ഞിപ്പാലം അഡീഷണല് സെഷന്സ് കോടതി വിധിക്കെതിരെ സര്ക്കാര് ഉള്പ്പെടെ അപ്പീല് പോവുകയായിരുന്നു
കോഴിക്കോട് | നാദാപുരം തൂണേരിയില് ഡി വൈ എഫ് ഐ പ്രവര്ത്തകനായ ഷിബിന് കൊല്ലപ്പെട്ട കേസില് എട്ടുപ്രതികള് കുറ്റക്കാരെന്ന് ഹൈക്കോടതി കണ്ടത്തി. ഒന്ന് മുതല് ആറ് വരെ പ്രതികളെയും 15, 16 പ്രതികളെയുമാണ് ഹൈകോടതി കുറ്റക്കാരെന്ന് കണ്ടെത്തിയത്.
മുസ്ലിം ലീഗ് പ്രവര്ത്തകരടക്കമുള്ള 17 പ്രതികളെ വെറുതെ വിട്ടുകൊണ്ടുള്ള എരഞ്ഞിപ്പാലം അഡീഷണല് സെഷന്സ് കോടതി വിധിക്കെതിരെ സര്ക്കാര് ഉള്പ്പെടെ അപ്പീല് പോവുകയായിരുന്നു. കേസ് പരിഗണിച്ച ഹൈക്കോടതി ഡിവിഷന് ബെഞ്ച് കീഴ്ക്കോടതി വിധി ഭാഗികമായി റദ്ദാക്കി. കേസില് ഒന്നു മുതല് ആറു വരെ പ്രതികളെയും 15 , 16 പ്രതികളെയും കുറ്റക്കാരന്ന് ഹൈക്കോടതി കണ്ടെത്തി. പ്രതികള് 15ന് ഹാജരാകണമെന്ന് കോടതി ഉത്തരവിട്ടു. ശിക്ഷ അന്ന് വിധിക്കും.
കുറ്റം തെളിയിക്കുന്നതില് പ്രോസിക്യൂഷന് പരാജയപ്പെട്ടതായി കണ്ടെത്തിയതിനെ തുടര്ന്ന് 18 പ്രതികളില് 17 പേരെയാണ് അഡീഷണല് സെഷന്സ് ജഡ്ജി എസ് കൃഷ്ണകുമാര് വെറുതെ വിട്ടിരുന്നു. ഇതിനെതിരെയാണ് അപ്പീല് പോയത്
2015 ജനുവരി 22ന് ആണ് കേസിന് ആസ്പദമായ സംഭവം നടന്നത്. കേസില് തെയ്യംപാടി ഇസ്മായില്, സഹോദരന് മുനീര് എന്നീ മുസ്ലിം ലീഗ് പ്രവര്ത്തകരും പ്രതികളായിരുന്നു. രാഷ്ട്രീവും വര്ഗീയവുമായ വിരോധത്താല് ലീഗ് പ്രവര്ത്തകരായ പ്രതികള് മാരകായുധങ്ങളുമായി ഷിബിന് ഉള്പ്പെടെയുള്ള സിപിഎം പ്രവര്ത്തകരെ ആക്രമിച്ചെന്നാണ് കേസ്.
Latest
മുഖ്യമന്ത്രി വി ഡി സതീശന്റെ ഓഫീസില് നിലനില്ക്കുന്നത് പിതൃ മേധാവിത്വത്തിന്റെ അജയ്യത: ജെ ദേവിക
അനധികൃത നിയമന വാഗ്ദാനം; 200 ഓളം സോഷ്യല് മീഡിയ അക്കൗണ്ടുകള് പൂട്ടിച്ച് യു എ ഇ
ഓണ്ലൈന് തട്ടിപ്പ്; 54കാരന് 17 ലക്ഷം രൂപ നഷ്ടമായി
തൃണമൂല് എം പി മഹുവ മൊയ്ത്രയ്ക്ക് സ്വന്തം മണ്ഡലത്തില് മുട്ടയേറ്
അമ്മൂമ്മയെ പേരമകന് കഴുത്തറുത്ത് കൊന്ന സംഭവം; കൊലപാതകം ലഹരി വാങ്ങാൻ പണം നൽകാത്തതിനാൽ
ശ്രീചിത്രയിൽ ബിരുദാനന്തരബിരുദം; ഡിപ്ലോമ, പിഎച്ച് ഡി പ്രവേശനം
