Business
സംസ്ഥാനത്ത് സ്വര്ണ വിലയില് വന് ഇടിവ്; ഒറ്റയടിക്ക് 4360 രൂപ കുറഞ്ഞു
ഒരു പവന് സ്വര്ണത്തിന്റെ ഇന്നത്തെ വില 1,02,680 രൂപയായി.
കൊച്ചി|സംസ്ഥാനത്ത് സ്വര്ണ വിലയില് വന് ഇടിവ്. ഒരു പവന് സ്വര്ണത്തിന് ഇന്ന് 4360 രൂപയാണ് കുറഞ്ഞത്. ഗ്രാമിന് 545 രൂപയും കുറഞ്ഞു. ഇതോടെ ഒരു പവന് സ്വര്ണത്തിന്റെ ഇന്നത്തെ വില 1,02,680 രൂപയായി. 22കാരറ്റ് സ്വര്ണം ഗ്രാമിന് 12,835 രൂപയാണ് വില വരുന്നത്. ഓള് കേരള ഗോള്ഡ് ആന്റ് സില്വര് മര്ച്ചന്റ്സ് അസോസിയേഷനാണ് കണക്കുകള് പുറത്തു വിട്ടത്. വൈകാതെ പവന് ഒരു ലക്ഷത്തിന് താഴെയെത്താനും സാധ്യതയുണ്ട്.
പശ്ചിമേഷ്യന് യുദ്ധസാഹചര്യത്തിന്റെ സ്വാധീനഫലമായാണ് സ്വര്ണ വിപണിയില് മാറ്റങ്ങളുണ്ടാകുന്നത്. കഴിഞ്ഞ ശനിയാഴ്ച്ച 1,07,040 രൂപയായിരുന്നു ഒരു പവന് സ്വര്ണത്തിന്റെ വില. ഇന്നലെ വിപണിയില് വില മാറ്റമുണ്ടായില്ല. ഇന്ന് വിപണി ഇടിവോടെയാണ് തുടങ്ങിയത്. സെന്സെക്സ് 1,5000 പോയിന്റിലേറെ ഇടിഞ്ഞു. നിഫ്റ്റി 22,690നരികെ എത്തി.
Latest
യുദ്ധം കടുക്കുന്നു; ആക്രമണം തുടർന്നാൽ നാലാമത്തെ വലിയ കപ്പൽ പാതയും അടച്ചുപൂട്ടുമെന്ന് ഇറാന്റെ ഭീഷണി
രാഹുല് ഗാന്ധിക്ക് പ്രാദേശിക നേതാവിന്റെ ഗൗരവം പോലുമില്ല: മുഖ്യമന്ത്രി പിണറായി വിജയന്
ആന്ധ്രയിലെ വാഹനാപകടം: അനുശോചനം രേഖപ്പെടുത്തി പ്രധാനമന്ത്രി, മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ പ്രഖ്യാപിച്ചു
ഇന്ത്യ സുഹൃദ് രാജ്യമെന്ന് ഇറാൻ; ഹോർമുസ് കടക്കാൻ അനുവദിക്കും; മറ്റു അഞ്ച് രാജ്യങ്ങൾക്കും പച്ചക്കൊടി
സംസ്ഥാനത്ത് സ്വര്ണ വിലയില് ഇടിവ്; പവന് 480 രൂപ കുറഞ്ഞു
ഗ്ലാസ് ചിഹ്നം പട്ടികയിലില്ല; പ്രതിസന്ധിയിലായി കോഴിക്കോട് സൗത്തില് അഹമ്മദ് ദേവര് കോവില്
