International
ഒമാനില് 114 പേര്ക്ക് കൂടി കൊവിഡ് സ്ഥിരീകരിച്ചു
കഴിഞ്ഞ 24 മണിക്കൂറിനിടെ ആകെ ആറ് കൊവിഡ് രോഗികളെയാണ് ആശുപത്രികളില് പ്രവേശിപ്പിക്കേണ്ടി വന്നത്.
മസ്കത്ത്| ഒമാനില് മൂന്ന് ദിവസത്തിനിടെ 114 പേര്ക്ക് കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. കൊവിഡ് ബാധിച്ച് ഒരാള് മരിച്ചു. 226 പേര് രോഗമുക്തി നേടി. രാജ്യത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 3,03,423 ആയി.
ആകെ രോഗികളില് 2,93,844 പേരും രോഗമുക്തരായി. 96.8 ശതമാനമാണ് ഇപ്പോഴത്തെ രോഗമുക്തി നിരക്ക്. ആകെ 4,093 പേര്ക്ക് കൊവിഡ് കാരണം ജീവന് നഷ്ടമായി. കഴിഞ്ഞ 24 മണിക്കൂറിനിടെ ആകെ ആറ് കൊവിഡ് രോഗികളെയാണ് ആശുപത്രികളില് പ്രവേശിപ്പിക്കേണ്ടി വന്നത്. ഇവരുള്പ്പടെ ആകെ 61 പേരാണ് ഒമാനിലെ ആശുപത്രികളില് കഴിയുന്നത്. ഇവരില് 22 പേരുടെ നില ഗുരുതരമാണ്.
---- facebook comment plugin here -----