aap&bjp fight
പ്രധാനമന്ത്രിയാകുന്നതില്‍ നിന്ന് കെജ്രിവാളിനെ തടയാന്‍ ബി ജെ പിക്കാവില്ല: ഡല്‍ഹി മന്ത്രി
ആം ആദ്മി പാര്‍ട്ടിയുമായി ബി ജെ പി എത്ര ഏറ്റുമുട്ടുന്നുവോ അത്രത്തോളം അവരുടെ കുഴിമാടങ്ങള്‍ കുഴിക്കപ്പെടും
ന്യൂഡല്‍ഹി| 2024ലെ പൊതുതിരഞ്ഞെടുപ്പോടെ അരവിന്ദ് കെജ്രിവാള്‍ ഇന്ത്യയുടെ പ്രധാനമന്ത്രിയാകുമെന്ന് ഡല്‍ഹി പരിസ്ഥിതിമന്ത്രി ഗോപാല്‍ റോയ്. ആരെ അറസ്റ്റ് ചെയ്താലും എത്ര പ്രകോപനം സൃഷ്ടിച്ചാലും കെജ്രിവാളിനെ തടയാന്‍ ബി ജെ പിക്കാവില്ലെന്നും അദ്ദേഹം പറഞ്ഞു. വെള്ളിയാഴ്ച പ്രത്യേക നിയമസഭ സമ്മേളനത്തില്‍ സംസാരിക്കുകയായിരുന്നു അദ്ദേഹം.
‘നമ്മുടെ എല്ലാ മന്ത്രിമാരെയും എം എല്‍ എമാരെയും അറസ്റ്റ് ചെയ്യാന്‍ ബി ജെ പിക്ക് കഴിയും. എന്നാല്‍ 2024ല്‍ കേജ്രിവാള്‍ മാത്രമേ ഇന്ത്യയുടെ പ്രധാനമന്ത്രിയാകൂ. അദ്ദേഹവുമായും ആം ആദ്മി പാര്‍ട്ടിയുമായും (എ എ പി) ബി ജെ പി എത്രയധികം ഏറ്റുമുട്ടുന്നുവോ അത്രത്തോളം അവരുടെ കുഴിമാടങ്ങള്‍ കുഴിക്കപ്പെടും. ഞങ്ങള്‍ എം എല്‍ എമാരായാലും ഇല്ലെങ്കിലും ഞങ്ങളുടെ സര്‍ക്കാര്‍ അധികാരത്തില്‍ നിന്ന് പുറത്തുപോയാലും, ഞങ്ങള്‍ രാജ്യത്തിനായി ജീവിക്കും, നാടിനായി ജീവന്‍ ത്യജിക്കുമെന്ന് പ്രതിജ്ഞയെടുക്കും’- ഗോപാല്‍ റായ് പറഞ്ഞു.
കഴിഞ്ഞ ഏഴ് ദിവസത്തിനിടയില്‍ ബി ജെ പി നേതാക്കളുടെ എല്ലാ നുണകളും ഗിമ്മിക്കുകളും ഞങ്ങള്‍ തുറന്നുകാട്ടി. മനീഷ് സിസോദിയയുടെ വസതിയില്‍ സി ബി ഐ റെയ്ഡ് നടത്തിയതിന് പിന്നാലെ ആം ആദ്മി പാര്‍ട്ടി തങ്ങളുടെ മുന്നില്‍ തലകുനിക്കുമെന്ന തെറ്റിദ്ധാരണയിലായിരുന്നു ബി ജെ പി. നിശബ്ദനാക്കാനായി നിസാര കേസുകളില്‍ കുരുക്കിലാക്കാന്‍ അവര്‍ ശ്രമിച്ചു. എന്നാല്‍ അദ്ദേഹം തളര്‍ന്നില്ല. ഒരു സിംഹത്തെപ്പോലെ അലറിയെന്നും ഗോപാല്‍ റായ് കൂട്ടിച്ചേര്‍ത്തു.
Latest
ഉഷ്ണതരംഗ സാധ്യത; തൊഴിലാളികളുടെ ജോലി സമയക്രമീകരണം മെയ് 15വരെ നീട്ടി
'രാഷ്ട്രീയ എതിരാളികളെ കാണുമ്പോള്‍ അവസാനിക്കുന്നതാണ് പ്രത്യയശാസ്ത്ര ബോധമെന്നത് പൈങ്കിളി സങ്കല്‍പ്പമാണ്';ഇപി ജയരാജന് പാര്‍ട്ടി പിന്തുണ
കര്‍ണാടക രാഷ്ട്രീയത്തെ പിടിച്ചു കുലുക്കി അശ്ലീല വീഡോയോ വിവാദം; പ്രജ്വല്‍ രേവണ്ണ പകര്‍ത്തിയത് മൂവായിരത്തോളം വീഡിയോകള്‍
ശോഭാ സുരേന്ദ്രന്റെ പരാതിയില്‍ ടി ജി നന്ദകുമാറിനെതിരെ കേസ്
ഉഷ്ണതരംഗ സാധ്യത: പാലക്കാട് ജില്ലയില്‍ വിദ്യാഭ്യാസ സ്ഥാപനങ്ങള്‍ അടക്കും; കായിക വിനോദങ്ങള്‍ക്കും നിയന്ത്രണം
കാര്‍ കെ എസ് ആര്‍ ടി സി ബസിന് കുറികെയിട്ടു; മേയറുടെ വാദം പൊളിക്കുന്ന ദൃശ്യങ്ങള്‍ പുറത്ത്
