കാറിന് സൈഡ് കൊടുക്കുന്നതിനെച്ചൊല്ലി തര്‍ക്കം; താമരശ്ശേരിയില്‍ ബൈക്ക് യാത്രികനെ ആക്രമിച്ച സിപിഎം പ്രവര്‍ത്തകര്‍ക്കെതിരെ കേസെടുത്ത് പോലീസ്

കോഴിക്കോട്|കോഴിക്കോട് താമരശ്ശേരിയില്‍ ബൈക്ക് യാത്രികനെ മൂന്നംഗ സംഘം ആക്രമിച്ചതായി പരാതി. കാറിന് സൈഡ് കൊടുക്കുന്നതുമായി ബന്ധപ്പെട്ടുള്ള തര്‍ക്കത്തെതുടര്‍ന്നാണ് ആക്രമണം. സിപിഎം പുതുപ്പാടി മുന്‍ ലോക്കല്‍ സെക്രട്ടറി ഷൈജല്‍, കണ്ടാലറിയുന്ന മൂന്ന് സിപിഎം പ്രവര്‍ത്തകര്‍ എന്നിവര്‍ക്കെതിരെ കൊടുവള്ളി സ്വദേശി നല്‍കിയ പരാതിയിലാണ് പോലീസ് കേസെടുത്തത്.

കാര്‍ ഓടിച്ചിരുന്ന ഷൈജലും ബൈക്ക് യാത്രികനും തമ്മിലാണ് തര്‍ക്കമുണ്ടായത്. ഷൈജലും സംഘവും പോലീസിനെ കയ്യേറ്റം ചെയ്തതിനും താമരശ്ശേരി പോലീസ് കേസെടുത്തിട്ടുണ്ട്. നേരത്തെ ഫേസ്ബുക്ക് പോസ്റ്റിന്റെ പേരില്‍ പാര്‍ട്ടി അച്ചടക്ക നടപടി നേരിട്ടയാളാണ് ഷൈജല്‍.