എ പ്രദീപ് കുമാര്‍ മുഖ്യമന്ത്രിയുടെ പ്രൈവറ്റ് സെക്രട്ടറി; ഉത്തരവിറങ്ങി

കോഴിക്കോട്|കോഴിക്കോട് നോര്‍ത്ത് മുന്‍ എംഎല്‍എ എ പ്രദീപ് കുമാറിനെ മുഖമന്ത്രിയുടെ പ്രൈവറ്റ് സെകട്ടറിയായി നിയമിക്കാന്‍ മുഖ്യമന്ത്രി പിണറായി വിജയന്‍ ഉത്തരവ് നല്‍കി. കെ കെ രാഗേഷ് കണ്ണൂര്‍ ജില്ലാ സെക്രട്ടറി ആയതോടെയാണ് പുതിയ നിയമനം. എ പ്രദീപ് കുമാര്‍ സിപിഎം സംസ്ഥാന കമ്മിറ്റി അംഗമാണ്.

അന്താരാഷ്ട്രതലത്തില്‍ മണ്ഡലത്തിലെ വിദ്യാഭ്യാസ സ്ഥാപനത്തെ ഉയര്‍ത്തിയതിലൂടെ ശ്രദ്ധ പിടിച്ചുപറ്റിയ എംഎല്‍എയാണ് എ പ്രദീപ് കുമാര്‍. പ്രിസം പദ്ധതി വഴി സ്‌കൂളുകള്‍ അടക്കം വിദ്യാഭ്യാസ സ്ഥാപനങ്ങളുടെ മുഖച്ഛായ മാറ്റിയ വ്യക്തിയാണ്. എസ്എഫ്ഐ-ഡിവൈഎഫ്ഐ മുന്‍ സംസ്ഥാന സെക്രട്ടറിയായിരുന്നു അദ്ദേഹം.