Ongoing News
ചെകിനെ പരാജയപ്പെടുത്തി ഡെന്മാര്ക്ക് സെമിയില്‍
ബാകു | ചെക് റിപ്പബ്ലിക്കിനെ ഒന്നിനെതിരെ രണ്ട് ഗോളുകള്‍ക്ക് പരാജയപ്പെടുത്തി ഡെന്മാര്ക്ക് യൂറോ കപ്പ് സെമിയില്‍. യൂറോ 2004 ക്വാര്‍ട്ടറില്‍ ചെക്കിനോടു തോറ്റു പുറത്തുപോകേണ്ടിവന്ന ഡെന്മാര്‍ക്കിനിതു മധുരപ്രതികാരം കൂടിയായി. യൂറോയില്‍ ചെക്കിനോടു മത്സരിച്ചപ്പോഴെല്ലാം തോല്‍വി വഴങ്ങാനായിരുന്നു ഡെന്മാര്‍ക്കിന്റെ വിധി.
കളി തുടങ്ങി അഞ്ചാം മിനുട്ടില്‍ തോമസ് ഡെലാനിയിലൂടെ ഡെന്മാര്ക്ക് മുന്നിലെത്തി. കോര്‍ണര്‍കിക്കിന് തലവച്ചാണ് ഡെലാനി ഡെന്മാര്‍ക്കിനെ മുന്നിലെത്തിച്ചത്. ആദ്യപകുതി അവസാനിക്കാന്‍ മിനിറ്റുകള്‍ മാത്രം അവശേഷിക്കെ ഡോള്‍ബര്‍ഗ് മറ്റൊരു ഗോളിലൂടെ ലീഡ് രണ്ടായി ഉയര്‍ത്തി.
ആദ്യ പകുതിയില്‍ രണ്ട് ഗോളിന്റെ കടവുമായി മടങ്ങിയ ചെക്ക് രണ്ടാം പകുതിയുടെ തുടക്കത്തില്‍ ഒരു ഗോള്‍ മടക്കി. ചെക്കിന്റെ സ്‌കോറിംഗ് മെഷീന്‍ പാ ട്രിക് ഷീക്ക് തന്നെ വല ചലിപ്പിച്ചു. ബോക്‌സിലേക്കുവന്ന ക്രോസിനെ ശക്തമായ ഷോട്ടിലൂടെ ഗോളിലേക്ക് തിരിച്ചുവിട്ടു. ഇതോടെ അഞ്ച് ഗോളുകളുമായി ടോപ് സ്‌കോറര്‍ സ്ഥാനത്ത് പോര്‍ച്ചുഗലിന്റെ ക്രിസ്റ്റ്യാനൊ റൊണാള്‍ഡോയ്‌ക്കൊപ്പമായി ഷീക്ക്.
ഒരു ഗോള്‍ മടക്കിയതിന്റെ ആവേശത്തില്‍ തുടരെ മുന്നേറ്റങ്ങള്‍ നടത്തിയെങ്കിലും ഡാനീഷ് മതിലില്‍ തട്ടി ബൊഹീമിയന്‍ സ്വപ്നങ്ങള്‍ തകര്‍ന്നു.
Latest
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
കരാറിലെ അനിശ്ചിതാവസ്ഥ; ഐ എസ് എല്‍ 2025-26 സീസണ്‍ നീട്ടിവച്ചു
