Techno
എഴുത്തുകാര്ക്ക് സന്തോഷ വാര്ത്ത; പുതിയ വേദിയൊരുക്കാന് ഫേസ്ബുക്ക്
കാലിഫോര്ണിയ | സ്വതന്ത്ര എഴുത്തുകാര്ക്ക് പുതിയ വേദിയൊരുക്കാന് ഫേസ്ബുക്ക്. വെബ്സൈറ്റിലൂടെയും ന്യൂസ് ലെറ്ററിലൂടെയും തങ്ങളുടെ അനുവാചകരുമായി എഴുത്തുകാര്ക്ക് സമ്പര്ക്കം ചെലുത്താനാണിത്. വരും മാസങ്ങളില് അമേരിക്കയില് ഈ സൗകര്യം ലഭ്യമായിത്തുടങ്ങും.
തുടക്കത്തില് ചെറിയൊരു വിഭാഗം എഴുത്തുകാരുമായാണ് ഫേസ്ബുക്ക് പങ്കാളിയാകുക. വിവിധ മാര്ഗങ്ങളിലൂടെ ഇതില് നിന്ന് എഴുത്തുകാര്ക്ക് പണവും ലഭിക്കും. പദ്ധതി വിജയിച്ചാല് കൂടുതല് എഴുത്തുകാരെ ഉള്ക്കൊള്ളിക്കുകയും സാമ്പത്തിക നേട്ടമുണ്ടാകുകയും ചെയ്യും.
വെബ്സൈറ്റും ഇമെയില് ന്യൂസ് ലെറ്ററും നിര്മിക്കുന്നതിന് സ്വതന്ത്രമായ സ്വയം പ്രസിദ്ധീകരിക്കാന് സാധിക്കുന്ന സംവിധാനമാണ് ഫേസ്ബുക്ക് ഒരുക്കുക. ഫേസ്ബുക്ക് പേജുകളുമായി ഇതിനെ ബന്ധിപ്പിക്കും. വീഡിയോ, സ്റ്റോറി, ഫോട്ടോ പോലുള്ള മള്ട്ടിമീഡിയ രൂപത്തിലും പ്രസിദ്ധീകരിക്കാം.
---- facebook comment plugin here -----