Kozhikode
വാഹനാപകടത്തില് യുവാവ് മരിച്ചു
നരിക്കുനി | കോഴിക്കോട് മൂഴിക്കലില് വെച്ചുണ്ടായ വാഹനാപകടത്തില് യുവാവ് മരിച്ചു. പറമ്പില് കടവ് കല്ലിട്ടനടക്കല് കേലാട്ട് മുഹമ്മദ് (ബാവ 41) ആണ് മരിച്ചത്. രാവിലെ പത്ത് മണിയോടെയാണ് അപകടം.
ഇന്റസ്ട്രിയല് വര്ക്കുകള് ഏറ്റെടുത്ത് നടത്തുന്ന മുഹമ്മദ് തന്റെ ബൈക്കില് മര്കസിലെ ജോലിസ്ഥലത്തേക്ക് പോകുമ്പോഴായിരുന്നു അപകടം. ഉടനെ കോഴിക്കോട് മെഡിക്കല് കോളെജ് ആശുപത്രിയില് എത്തിച്ചെങ്കിലും രക്ഷിക്കാനായില്ല. എസ് വൈ എസിന്റെ സജീവ പ്രവർത്തകനായിരുന്നു.
കുഞ്ഞാലി ഗുരുക്കള്- റുഖിയ ദമ്പതികളുടെ മകനാണ്. ഭാര്യ: റാഷിദ. മക്കള്: മുഹമ്മദ് നത്ഹര് അലി ബാദുഷ, അഹമ്മദ് അലി മഹ്്ജാന്, ആയിശ. സഹോദരങ്ങള്: അസൂറ ബീവി, ആബിദ, അസിഫ്, ഡോ. സാജിദ, താഹാ യാസീന്.
ഖബറടക്കം ഞായർ ഉച്ചക്ക് 12 മണിയോടെ പറമ്പില് പള്ളി ഖബര്സ്ഥാനില്.
---- facebook comment plugin here -----