കാസര്‍കോട് രണ്ടരക്കോടിയുടെ ചന്ദനം പിടികൂടി

കാസര്‍കോട് | കാസര്‍കോട്ട് കലക്ടറും സംഘവും ചേര്‍ന്ന് രണ്ടരക്കോടിയോളം രൂപയുടെ ചന്ദനം പിടികൂടി. 31 ചാക്കുകളിലായി ലോറിയില്‍ കയറ്റുകയായിരുന്ന ഒരു ടണ്ണോളം ചന്ദനമാണ് കലക്ടര്‍ സജിത് ബാബു നേരിട്ടെത്തി പിടികൂടിയത്.

കലക്ടറുടെ ക്യാംപ് ഓഫീസിനു സമീപത്ത് ഇന്ന് പുലര്‍ച്ചെയാണ് സംഭവം. അടുത്തുള്ള വീട്ടില്‍ നിന്നും വലിയ ശബ്ദം കേട്ടതിനെ തുടര്‍ന്ന് കലക്ടറും ഗണ്‍മാനും ഡ്രൈവറും അവിടേക്ക് പോകുകയായിരുന്നു. ഈ സമയം വീടിന് മുകളില്‍ നിര്‍ത്തിയിട്ട ലോറിയില്‍ പ്ലാസ്റ്റിക് ചാക്കുകളിലായി ചന്ദനം കയറ്റുകയായിരുന്നു. തുടര്‍ന്ന് നടത്തിയ പരിശോധനയിലാണ് ചന്ദനം കണ്ടെത്തിയത്. കേസില്‍ ഇതുവരെ ആരെയും അറസ്റ്റ് ചെയ്തിട്ടില്ല.