കോഴിക്കോട് സ്വദേശി കൊവിഡ് ബാധിച്ച് മരിച്ചു; സംസ്ഥാനത്ത് ഇന്ന് റിപ്പോര്‍ട്ട് ചെയ്തത് അഞ്ച് മരണം

കോഴിക്കോട്  |സംസ്ഥാനത്ത് ഒരു കൊവിഡ് മരണം കൂടി . പുനൂര്‍ കാന്തപുരം മംഗലത്ത് സ്വദേശി യൂസഫ് മാസ്റ്ററാണ്(68) മരിച്ചത്.കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. ഇന്ന് സംസ്ഥാനത്ത് റിപ്പോര്‍ട്ട് ചെയ്യുന്ന അഞ്ചാമത്തെ കൊവിഡ് മരണമാണിത്.
ചെമ്മാട് സ്വദേശി അബൂബക്കര്‍ ഹാജി, കോട്ടക്കല്‍ സ്വദേശി ഇയ്യത്തുട്ടി എന്നിവര്‍ മലപ്പുറത്ത് മരിച്ചു. കണ്ണൂരില്‍ കൂവപ്പാടി സ്വദേശി കോയ്യാത്തി അനന്തന്‍ ആണ് മരിച്ചത്. കാസര്‍കോട് അജാനൂര്‍ സ്വദേശി അബ്ദുള്ളയും കൊവിഡ് ബാധിച്ച് മരിച്ചു.

അബൂബക്കര്‍ ഹാജിക്ക് ശ്വാസതടസവും ഹൃദയ സംബന്ധമായ അസുഖങ്ങളും ഉണ്ടായിരുന്നു. മഞ്ചേരി മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയാണ് മരണം. പരിയാരം മെഡിക്കല്‍ കോളജില്‍ ചികിത്സയില്‍ ഇരിക്കെയാണ് അനന്തന്റെ മരണം.