Saudi Arabia
ദമാമില്‍ കൊവിഡ് ബാധിച്ച് രണ്ട് ആലപ്പുഴ സ്വദേശികള്‍ മരിച്ചു
ദമാം | സഊദിയിലെ ദമാമില്‍ കൊവിഡ് ബാധിച്ച് രണ്ട് ആലപ്പുഴ സ്വദേശികള്‍ മരിച്ചു.ആലപ്പുഴ ചുനക്കര ചാരുംമൂട് സ്വദേശി സുലൈമാന്‍ റാവുത്തര്‍ (48) ,ആലപ്പുഴ കായംകുളം ചിറക്കടവം പാലത്തിന്‍കീഴില്‍ പി എസ് രാജീവ് (53) എന്നിവരാണ് മരിച്ചത്.
മൂന്നാഴ്ച മുന്‍പ് താമസ സ്ഥലത്ത് വെച്ച് ഭക്ഷണം പാകം ചെയ്യുന്നതിനിടെ സുലൈമാന്‍ റാവുത്തര്‍ക്ക് പൊള്ളലേറ്റിരുന്നു .ഇതേ തുടര്‍ന്ന് ദിവസവും അല്‍ഖോബാറിലെ സ്വകാര്യ ആശുപത്രിയില്‍ എത്തി ചികിത്സ തേടിയിരുന്നു. ഇതിനിടയില്‍ കടുത്ത പനിയും, ശ്വാസ തടസവും അനുഭവപ്പെട്ടതിനെ തുടര്‍ന്ന് ദഹ്‌റാന്‍ പ്രൊ കെയര്‍ റിയാ ആശുപത്രിയില്‍ ചികിത്സയിലായിരുന്നു . പരിശോധനയില്‍ കൊവിഡ് സ്ഥിരീകരിക്കുകയും ചെയ്തിരുന്നു. രോഗം ഗുരുതരമായതിനെ തുടര്‍ന്ന് തീവ്ര പരിചരണ വിഭാഗത്തില്‍ കഴിയവേയാണ് മരണം.
ഭാര്യ : മാജിത , മക്കള്‍ : സല്‍മാന്‍ , സൗഫാന്‍
രണ്ടാഴ്ച മുന്‍പാണ് പനിയും , ശ്വാസ തടസ്സവും മൂലം രാജീവിനെ സ്വകാര്യ ആശുപത്രിയില്‍ പ്രവേശിപ്പിച്ചത്.പരിശോധനയില്‍ കൊവിഡ് സ്ഥിരീകരികരിച്ചിരുന്നു.കഴിഞ്ഞ ദിവസം രോഗം ഗുരുതരമായതിനെ തുടര്‍ന്ന് തീവ്ര പരിചരണ വിഭാഗത്തില്‍ വെന്റിലേറ്ററിലേക്ക് മാറ്റിയിരുന്നു. വൈകീട്ടോടെ ആരോഗ്യ നില വഷളാവുകയും മരണം സംഭവിക്കുകയുമായിരുന്നു
ഭാര്യ : ബിന്ദു രാജീവ്,മക്കള്‍: അശ്വിന്‍ രാജ് , കാര്‍ത്തിക് രാജ്
Latest
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
യുവതിയെ വീട്ടിലെ കിടപ്പുമുറിയില്‍ തൂങ്ങിമരിച്ചനിലയില്‍ കണ്ടെത്തിയ സംഭവം; ഭര്‍ത്താവ് അറസ്റ്റില്‍
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
