സഊദിയിൽ പുതിയ 1,344 കൊവിഡ് കേസുകൾ; രോഗബാധിതരുടെ എണ്ണം  24,097 ആയി

SAദമാം | സഊദിൽ കൊവിഡ് -19 ബാധിതരുടെ എണ്ണം  24,097 ആയി ഉയർന്നതായി സഊദി രോഗ്യ മന്ത്രലായ വക്താവ് റിയാദിൽ നടത്തിയ പ്രതിദിന വാർത്താ സമ്മേളനത്തിൽ അറിയിച്ചു. പുതുതായി 1,344 പേർക്കാണ് കൊവിഡ്  റിപ്പോർട്ട്  ചെയ്തിരിക്കുന്നത്.

രോഗബാധിതരിൽ വെള്ളിയാഴ്ച ഏഴ് പേർ കൂടി മരണപെട്ടതോടെ മരണ സംഖ്യ 169 ആയി വർദ്ധിക്കുകയും ചെയ്തിട്ടുണ്ട്. മരണപ്പെട്ടവർ ഒരാൾ സ്വദേശിയും ആറ് പേർ വിദേശികളുമാണ്, ജിദ്ദയിലും മക്കയിലുമാണ് പുതിയ മരണങ്ങൾ. 46 വയസ്സിനും 75 വയസ്സിനും ഇടയിലുള്ളവരാണ്  മരണപ്പെട്ടവർ. രോഗബാധിതരിൽ  117 പേർ പേരുടെ നില ഗുരുതരമായതിനാൽ തീവ്രപരിചരണ വിഭാഗത്തിലാണുള്ളത്.

കഴിഞ്ഞ ഇരുപത്തി നാല് മണിക്കൂറിനിടെ 392 പുതുതായി രോഗമുക്തി നേടിയതോടെ കൊവിഡ് മുക്തരായവരുടെ എണ്ണം 3,555 ആയി. 20,373 പേരാണ് രോഗബാധിതരായി ചികിത്സയിലുള്ളത്.